Vawiin khan Pu S.Laldingliana Parliamentary Secretary, Sports & Youth Services chuan Mizoram State Sports Council huaihawt Mizoram Open Chess Championship tum 11-na chu Khatla YMA Hall-ah a hawng.

He huna khuallian Pu S. Laldingliana chuan he championship hi F4 Move hmangin a hawng a. Mizoram Chess Association te hmalakna chu fakawm a tih thu sawiin, achievement ropui tak tak an lo neih tawhte chu a fak a. Chess hian mihring thluak leh ngaihtuahna a hruai harh a, zirlaite tan ngat phei chuan zirna kawnga puitu tha tak a nih avanga uar zel chi a nih thu a sawi. Sawrkar in infiamna tihchangtlun hna a thawk mek zel a, hetiang kan tawng hi kan vannei hle a ni a ti bawk.

He hunah hian Chess Players 40 an tel a, Swiss Rule Rounds 8 khelh a ni ang. He championship-ah hian lawmman hetiang hi sem a ni ang:

1st Prize : Trophy + Certificate + Cash Prize Rs. 7, 000/-

2nd Prize : Certificate + Cash Prize Rs. 5, 000/-

3rd Prize : Certificate + Cash Prize Rs. 3, 000/-

4th - 10th : Cash Prize Rs. 1, 000/- each

11th - 15th : Cash Prize Rs. 500/- each

16th - 20th : Cash Prize Rs. 300/- each

Hawnna inkhawm hi Pu Rochhunga Ralte, President Mizoram Chess Association in a kaihruai a. Pu P.Lalchuanpuia, Gen.Secy. MCA chuan report a pe bawk. Championship hi ni 4th June, 2011 (Inrinni) ah zawh hman beisei a ni.