Nimin khan Pu H. Rohluna, Food Civil Supply & Consumer Affairs Minister chuan lehlangin a bial "Lengteng Constituency South Block" huam chhungah kalin rangva a sem.
He function tawite Kawlkulh Gate Kawn a buatsaih hi Pi Zosangzuali Pachuau, BDO Khawzawl chuan a kaihruai a. Hetiang hian Minister chuan a sem a ni : Vankal chhungkaw 3, Dulte chhungkaw 3, Puilo chhungkaw 4, Chhawrtui chhungkaw 4 leh Kawlkulh chhungkaw 5 te hnenah bundle 4 theuhva sem an ni.
Kalkhawm te hma ah Pu Rohluna chuan thu sawiin, Mizoram sorkar RD Department in Rural Housing Scheme atanga mi harsa zawkte hnena In chung tur rangva a sem thei chu lawmawm a tih thu sawiin, a dawngtute pawhin dik taka hmang turin a chah bawk.
Minister chuan rangva dawngturte enfel anih veleh Ngopa RD Block ah pawh sem thuai anih tur thu a puang a, Pu Darkhuma s/o Biakthanga (L) Chhawrtui khua, mahni chauhva khawsa chu In sak tanpui nan Rs. 2,500/- a pe bawk a ni.
