667/2023-2024

Dated Aizawl, the 2nd June, 2023: Tun hnaiah PHE Department chuan Jal Jeevan Mission (JJM) Central Scheme hnuaia hnathawh that avangin National Award chhuanawm tak tak a dawng a, chungte chu :

I). Jal Jeevan Survekshan 2023 (October, 2022 - March, 2023) :

(i) Fastest Moving Aspirational District Achievers Category : Mamit District 1st Prize, Aspirational District 117 zinga titha 21 thlanchhuah zingah 1-na a ni.

(ii) Achievers for Performance Among Aspirational Districts: Mamit District 2nd Prize, Aspirational District 117 titha 21 thlanchhuah zingah 2-na a ni.

(iii) High Achievers Category : Kolasib District 3rd Prize, District 740 atanga titha zual 127 thlanchhuah zingah 3-na a ni.

(iv) Fastest Moving District Achievers Category-ah : Saiha District 5th Prize, District 740 atanga titha zual 168 Man chhuah zingah 5-na a ni.

He lawmman dawn thei tura an tehna hmante chu :

i) Physical Progress, ii) Water Quality Monitoring & Surveillance leh iii) Institutional arrangement for assured water service delivery te an ni.

II) 2nd National Water Award 2019

Best Village Panchayat - North East Zone : Leng khua, Serchhip District-1st Prize, Ailawng khua, Mamit District-2nd Prize

III) 3rd National Water Award 2020

Best Village Panchayat - North East Zone : Sialsir Khua, Serchhip District-1st Prize

Tuihna humhalh kawnga thawk tha, tui pawimawhna kawnga zirtima pe tha leh kalphung nei tha State-te hnenah National Water Award hi pek thin a ni.

IV) Jal Survekshan Abhiyan 2022

Water Warrior Award : Pi H.S. Lalawmpuii, Sairep VCP chuan a dawng a ni.

He lawmman hi ek in neih that dante, bawlhhlawh sawngbawl dante enfiahin sorkar laipui atanga mithiamten khuate tlawhin an enfiah a, lawmman dawng tur thlan thin a ni.

V) Swachh Bharat Mission Awards 2022

North East Zone - Mizoram 2nd Prize

Kum 2021-2022 chhunga SBM-G hnuaiah North East Zone-ah Mizoram in 2-na dinhmun a dawng a, hei hian lawmman Cheng vaibelchhe khat a keng tel.

1. JAL JEEVAN MISSION :

Mizoramah hian thingtlang In (rural households) 1,33,060 a awm a. IjM hna tan a nih hnuah vawiin thleng hian In 1,05,627 ah tui connection pek a ni a, ti hian In 1,14,828 (86%) ah tui connection pek a ni tawh a ni. North East state zingah Mizoramin a sang ber dinhmun a luah mek a ni. Tun dinhmunah Mizorama thingtlang khua 728 (khawper telin) awm mekah khaw 316-ah In tinin tui connection an nei vek tawh a ni.

Kum 2023-2024 chhung hian tui connection (FHTC-Functional Household Tap Connection) 22,485 pe turin Central sawrkar hnenah bituk (target) a ni a, heta tang hian tui connection 4,318 pek tawh a ni.

Thingtlang Sikul 2,168 awmah hian 2013-ah tui connection pek a ni tawh a, Anganwadi 1,583 awm zingah 1,526 te tui connection pek an ni tawh bawk.

JJM hnuaiah hian scheme 842 thawh a ni a, hemi zingah hian Solar Pumping Scheme 186 niin Multi-Village Scheme 31 leh Single Village Scheme 811 a awm a ni.

North East Special Infrastructure Development Scheme (NESIDS) hnuaih heng hi kalpui mek a ni :

(i) Alternate Gravity Water Supply Scheme of Aizawl (AGWSSA) hi Aizawl khawpui tui harsatna sukiang then (supplement) tura Scheme siam a ni a. He Project hi Aizawl chhimlam chuan hnuai veng thenkhat - Mualpui, Mission Vengthlang lam bakah Muallungthu tlang dung thingtlang khuate, ZMC huamin mihring nuai khat vel zet fur lai (thla 5-6) chhung vel chawm thei tura duan a ni. AGWSSA hi Ministry of DoNER-in NESIDS hnuaia Mizoram tana Project a sanction hmasak ber a ni a. Kum 2018 khan Project amount Rs.11,419.65 lakh in a sanction a, 100% Central funding a ni nghe nghe.

(ii) Augmentation of North Vanlaiphai Water Supply Scheme project chhungah hian Rawleihlawnchhuah lui atanga tui pump tur a ni a, khawchhungah tuizem litres nuai 7.5 dawngah pump chhuah tur a ni ang. He tuizem atang hian tuizem litres nuai 1.5 dawng ve ve pahnih ah te semchhuah leh a ni ang. Hetih rual hian gravity hmanga Varhva Lui, Kawrpui-I lui leh Kawrpui-II lui atanga tui lak mek chu pipeline thlak vek tura ruahman a ni bawk. Control Room, Site Office, pumphouse duty room leh pumphouse te sak tur a ni bawk ang. A scheme hi hlawhtling taka zawh theih a nih chuan mitinten nitin tui litre 135 dawng thei tura ruahman a ni.

(iii) Augmentation of Greater Mamit Water Supply Scheme Part-II (Clear Water and Distribution system) project chhungah hian Tut lui treatment pek tawh chu pump tum a ni a. Pipe 200mm a lian, 5 km a sei ah tui hi tuizem (RCC Reservoir) litres nuai 3 dawngah pump chhuah tur a ni. He tuizem atang hian Luangpawl, Hospital complex, Dinthar tlang, 4th IR hmun, Govt. Mamit College leh JNV Zonal Reservoir-ah te semchhuah leh tur a ni ang. Hetih rual hian Kurung Lui leh Lahmun lui atanga Gravity hmanga tui lak tum a ni bawk. A scheme hi hlawhtling taka zawh theih a nih chuan mitinten nitin tui litre 135 dawng thei tura ruahman a ni.

3. NATIONAL BANK FOR AGRICULTURE AND RURAL DEVELOPMENT (NABARD) RURAL INFRASTRUCTURE DEVELOPMENT FUND (RIDE)

NABARD hnuaia kum 2019 to 2023 chhunga hnathawhte:

Total Projects - 25 nos.
Completed Projects - 19 nos.
Ongoing Projects - 6 nos.

4. AIZAWL WATER SUPPLY SCHEME

Aizawl khawpui hi tun hnai, a bik takin kum 40 chhung hian a thang nasa hle a. 2011 Census atanga mipui awm zat chu 2,93,416 a ni. Aizawl khawchhunga mipui punna hi a chak hle a, tunah hian mipui nuai li (4) vel bawr awm anga ngaih a ni. Mipui tui mamawhna pawh a pung ve zel a, tunah hian 30 MLD atanga 35 MLD (ni khatah maktaduai litre 30 atanga 35) anga chhut a ni. Aizawl tui chawmtu innghahna scheme pahnih te chu ‘Greater Aizawl Water Supply Scheme Phase-I’ (GAWSS-I) leh ‘Greater Aizawl Water Supply Scheme Phase-II’ (GAWSS-II) te a ni.

(i) Greater Aizawl Water Supply Scheme Phase-I hi mi sing riat chawm zo tura duan a ni a, kum 1988 khan hawn a ni. Tlawng lui leh Serlui infinna thlang atanga tui dawtin, nitin tui litre maktaduai 10.8 pump chhuak thei tura duan niin, hlawhtling taka la kalpui mek zel a ni.
(ii) Greater Aizawl Water Supply Scheme Phase-II hi kum 2007 a hawn niin GAWSS-I nena tangkawp tura duan a ni. Mi nuai 3 leh sing khat chawm zo tura duan a ni a, nitin tui litre maktaduai 24 pump chhuak thei tura duan niin, Tlawng lui leh Serlui infinna chhak atanga tui a dawt ve thung.

(iii) 132 kV Sub-Station : Tui thianghlim pump chhuak thei tur leh tui pump senso hi power supply-ah a innghat thui hie a. GAWSS-l leh GAWSS-II tena an power mamawh zat hi 8MW a ni. SIPM1U hnuaiah GAWSS-l leh GAWSS-II pual bik liau liauin transmission line leh 132/33kV Sub-Station sak zawh a ni a. Ni 30.09.2021-ah hawn niin 16.11.2022-ah PHED hnenah hlan a ni. Project senso hi Rs. 30,03,87,075/- a ni.

(iv) SCADA ( Supervisory Control, and Data Acquisition) : GAWSS-I leh GAWSS-II te enkawlna kawnga pui turin SCADA project Rs. 55,21,8975/- man chu SIPMIU hnuaiah thawh a ni a, ni 25.05.2023 khan PHED hnenah hlan a ni. Computer, sensor, controller etc. te hmangin tui quality leh quantity te vilna kawngah nasa takin a pui a ni.

Dedicated power transmission line leh 132/33 KV Sub-Station a awm takah chuan tui pump chhuah zat hi kum 2021 atang khan a pung chho ve hret hret zel a. Ni khata tui maktaduai litre 24 te pump chhuah thin chu tunah chuan maktaduai litre 30 thleng te-a pump chhuah a lo ni ta.

Tun hnaia Tlawng lui nasa taka kam chuan thawktute a timangang nasa thin em em a. Kum 2022 leh 2023 ah ‘Temporary Seasonal Barrage’ nuai 24 leh nuai 31.13 man sak niin, Tlawng lui kam laiin heng tuikhuah atangtea tui lak tur lo awm thin chuan nasa takin tui pump tur a tih tam phah nghe nghe a ni.

Improvement of Raw Water Pumping Systems of GAWSS II chu kum 2021-2022 atanga thawh mek a ni a, he mi hnuaiah hian Diesel Generator Set 500kVA leh Diesel Engine Pump Set pakhat te ruahman an ni. Pre-Settling Tank sak bawk tur niin tui nu nasa taka lo thlifim tura ruahman a ni.

5. FAINA LEH THIANGHLIMNA (SWACHH BHARAT MISSION-GRAMIN)

1. Mizoram hi kum 2018 khan ‘Khawlai e awm lohna’ (Open Defecation Free) puan a ni.
2. Hemi hnu kum 2019 atang khan khawchhunga bawlhhlawh leh tuichhia senghawi leh chinral
hna thawh a ni a, in dang thar leh khuarel chhiatna avanga ek-in neilo tan ek-in sak hna telin hmalak thin a ni. Hei hi ODF Plus (SBM-G) tih hming vuahin a hna hi kalpui a ni.

3. Mizoram khua zawng zawng hi kumin 2023-24 chhung hian ODF Plus khua ni tura puan hman vek tum a ni.

4. ODF Plus khua hi chi thum (3) a hming vuahin kalpui a ni a, chungte chu - Aspiring, Rising, Model (Fai, Fai deuh, Fai tak) tia mumal taka then a ni. Tunah hian Model Village hi Mizoram khua 694 atangin 177 lai kan nei tawh nghe nghe a ni.

5. Kum 2023-24 chhung hian Mizoram khua zawng zawng hi khaw fai tak (Model Status) ni hman vek tura ruahman a ni. He khawfai tak (Model) thleng tur hian khaw mipui tanrualna a pawimawh em em a, a bikin khawtina WATSAN Committee phei chu nasa lehzual leh thahnemngai taka thawk turin ngen an ni.

6. He Faina hna SBM-G hi inthawhtawm (Convergence) tura duan a ni a. Tui leh Faina (Water & Sanitation) ah hian 15 FC (tied fund) leh SBM-G sum hi inhmantawm ngei ngei a ngai a ni. A changtu department, PHED leh LAD te pawhin tha taka an thawhdun thiam hle a ngai dawn a ni. Tin, Rural Development enkawl MGNREG (ni 100 inhlawhna) atang hian thawh tur tam tak a awm bawk a. Mizoram thingtlang khua zawng zawng khaw fai tak (Model) ni thei ngei tura tan la sauh sauh turin PHE Department chuan mipui zawng zawngte a sawm a ni.