Planning Department chuan DoNER Ministry hnuaia Project kalpui mekte atan Review Meeting nei turin Delhi an pan dawn a, Ministry of DoNER hian Hmarchhak State hrang hrang tan NLCPR, NEC, SIDF hnuaiah sorkar office building, kawng leh hmasawnna ruangam hrang hrang nasa takin state kaltlangin a thawk a. State Fund atangin building lian tak tak leh kawng thui tak tak siamna tur pawisa a awm loh avangin hmasawnna ruhrel liantham siamna kawngah he Ministry hian an thawh hlawk hle a ni.

Hmasawnna ruhrel ruahman tawh sa a hun a thawh zawh loh a ni fo chu DoNER Ministry chuan a ngaimawh a. July ni 31 2014 khian New Delhi a heng project hrang hrangte kalpui dan chungchang hi Hmarchhak state hrang hrang aiawhte leh DoNER Ministry aiawhten an sawiho dawn a ni.

Mizoram Sawrkar hnuaia Department hrang hrang in DoNER Ministry hnuaia project a kalpui mekte hi a hun takah zawh anih theihna tur leh zawh ala nih theih lohna chhante chu vawiin ni 28.7.2014 thleng hian Planning Department hnenah thehlut tura tih a ni a. Ni 30.7.2014(Nilaini) hian Planning Department in Delhi a DoNER Ministry nena sawiho turin an keng thla ang.