Vawiin khan  Mizoram Planning, Economic & Statistical Service Association (MPESSA) chuan Changel Resort, Sihhmui, Airport Road-ah General Conference vawi 13-na an hmang a. Service Matters pawimawh tak tak an rel bakah, Official Statistics changtlung zawk neih a nih theih nana hma an lak dan te an thlirho a, Socio-Economic Development Policy (SEDP) kalpui dan tur te, NLCPR / NESIDS, NEC leh Sustainable Development Goals (SDGs)-ahte nasa taka hma lak a nih dan te an sawiho bakah CSS hnuaia Project-te chak zawka kalpui a nih theih nan infuihna hun an hmang a ni.

He hunah hian Planning & Programme Implementation Department (Research & Development Branch), Directorate of Economics & Statistics, High-Powered Committee_Lunglei, District Research Officers’ Offices leh Line-Department hrang hranga Service Member-te an kal tha hle a. Mizoram Journalist Association (MJA) - te'n 2019-2021 chhunga an pawl hruaitu tur Office Bearers thlanna an buatsaihsak hnuin chawhlui kilho a ni.