Vawiin chawhnu dar 3: 30 khan Mizoram DGP, Pu Balaji Srivashtava IPS chuan Tripura Police, TSR (Tripura State Rifles) Platoon khat ( mi 34) Mizoram a India Independence Day Parade a tel tura lokalte Aizawl SP Office Conference Hall ah kawmna leh thingpui in puina hun a hmanpui.

He hunah hian Mizoram Police Officers ten an tawiawm bawkin hetiang hian tun hnai deuh atang khan North eastern State Police te inpawh leh thawh hona a that zawk nan kumtin North East states Police te National Days (Independence day leh Republic day) ah Ceremonial Parade a tel tur hian intlawh tawnna hun siam thin a ni. Tun Independence day parade turah hian Mizoram Police pawhin Tripura state ah Mizoram Police aiawhin City Police platoon khat (mi 32) an tir ve mek ani.