Vawiin khan R.Dengthuama Multipurpose Hall Mualpuiah 2^nd Zaua Memorial & 6^th North East Zone Shooting Championship 2018 kharna hun neih a ni a. Political Adviser to Chief Minister Pu Lalrinmawia Ralte, MLA chu Khuallian a ni. Intihsiakna hi August Ni 6-13 chhung neih a ni a. Mizoram Rifle Association buatsaih niin NEC bultum a ni.

Khuallian Pu Lalrinmawia Ralte chuan silai inkahsiakna hmar chhak state hrang hrang ten an nei chu lawmawm a tih thu a sawi a. Silai kah infiamna hmasawnna atana Mizoram Rifle Association hmalakna hrang hrang te chu chhuanawm a tih thu sawiin intihsiakna chu state dang nena inthianthatna leh inpumkhatna atan pawh a tangkai thu a sawi a. Heng infiammi te hian anmahni bakah an state theuh an chawimawi a ni, a ti.

2^nd Zaua Memorial & 6^th North East Zone Shooting Championship-ah hian Assam atangin mi 77, Manipur 47, Meghalaya 24, Nagaland 6, Services 7 leh Mizoram atangin mi 64 an tel a. An zavaiin mi 225 ,Mipa 150 leh  Hmeichhia 75 an ni. National Rifle Association of India rules in a tarlan match 85 zingah match 52 neih a ni. Result chu a hnuaia tarlan ang hi a ni:

Programme hi Mizoram Rifle Association (M.R.A) President Pu Lalbiakzama chuan a kaihruai a. M.R.A General Secy Pu Peter Zohmangaiha atangin technical report ngaihthlak a ni a. National Rifle Association of India (NRAI) atangin International Shooting Sports Federation (ISSF) Judge Pu Bhaba Kalita chuan thusawina hun a nei a. Khuallian hian intihsiaknaa medal semna hun a nei nghal a ni. ISSF Judge, Jury and Technical Official - Pu N. Indrajit Singh, Pu Y. Binodkumar Singh, Pu Rituraj Bhagawati, Pu Mirang Jamir, Pu L. Tomba, Pu K. Tijen Sharma te, Mizoram State Sports Council Secretary te, Mizoram Rifle Association member te, state hrang hrang atangin infiammi te an tel a ni.