Vawiin chawhma dar 9:00 khan East Lungdar Kawnah Swachh Survekshan Grameen (SSG 2018) atana hmalakna kal zelah Sensitisation Programme hman a ni.

He hun hi Er. Samuel L.R. Ralte, SDO, chairman hian East Lungdar Sub-Division, Public Health Engineering Department chuan a kaihruaia, Swachh Survekshan Grameen atana hmalak tawhna te leh hmachhawp te sawiin, faina inelna atana tehfung hrang hrang te sawifiahna hun a hman bawk.

Khuallian Pi Dorothy Muansangi, BDO, East Lungdar R.D. Block chuan thusawiin, East Lungdar R.D. Block huamchhunga khaw hrang hrangten  faina leh thianghlimna kawngah hma nasa taka an la chu lawmawm  a tih thu  a sawi a. Faina kawngah mimal ti ten mawh kan phur tih sawiin, Khawtlang hruaitute hmalakna te tawiawma, mipuite kan tanrualna leh hmalakna te chu vawng nung zela, Swachh Survekshan Grameen hlawk taka hmang turin inbuatsaih theuh a tul thu a sawi a ni.

He hunah hian Rev. R.T. Lianthanga chua hunserh a hmanga, East Lungdar R.D. Block huamchhunga khaw hrang hrang aiawh V.C. tinte hnenah Khuallianin Incentive Cash for Sanitation semna hun a hman zawhah, Pu H. Laltana, VCP, East Lungdar chuan lawmthu sawiin hun  a khar a ni. 

Attachment

  • Loading attachment...