Mizoram Police chuan DGP, Mizoram kaihhruaina hnuaiah Green Mizoram Day 2019 denchhenin Police awmna hmun hrang hrangah ni 11.6.2019 (Thawhlehni) khan thingphun hnatlan an nei.
Mizoram chhunga police Unit hrang hrang 23 te chuan an awmna hmun theuhah thahnem ngai takin hnatlang beihpui hi an thlak a, thingkung chi hrang hrang a rah ei theih chi te, a par chi te, thingzai atana hman chi te, an awmna Unit Complex leh Motor kawng dung hmun hrang hrangah te an phun a, Police Headquarters, Khatla lamah pawh IGP Pu H Shanliana leh Pu John Neihlaia te hova thing phunna hun hi hman niin Police thehnem takin PHQ Compound chhungah leh Assam Rifles Complex, Khatla ah te thing thahnem tak an phun a ni.
A pumpuia Mizoram Police in hemi ni a thing an phun belhkhawm hi 4107 a ni. Mizoram puma Police chhungkua ten Green Mizoram Day chu ni hlimawm tak leh tangkai, tu leh fate tana khawvel nuam leh boruak thianghlim siamna atana hmalak nan an hmang a, kan tunlai khawvel boruak sik leh sa inthlak danglam nasat tawh zia leh thing leh mau tangkaina te, boruak tithianghlimtu leh sik leh sa hriltu an nihzia te zir thar lehna hun atana hman a ni a, thingkung phun te hi tha taka hungna siam niin a enkawl chhunzawm zel dan turte in hrilh nawn leh a ni.
