No.6719/2020-2021

Ni 27.11.2020 chhun dar 12:00 hian Cyber Crime Police Station chu Police Headquarters (PHQ), Khatla-a hawnna inkhawm neihah Pu SBK Singh IPS, DGP Mizoram in a hawng.

Cyber Crime lam case a pun chhoh tak avangin May 21, 2014 khan post siam belh awm chuang lovin SP CID(Crime) hnuaiah, Cyber Crime Cell tiin din a ni a.. August 2018 khan Cyber Crime Police Station puitlingah Sorkar-in a hlangkai a ni. He Cyber Crime PS atan hian Sorkar-in Sub-Inspector(B) posts panga(5) chu kum 2019 khan a siambelh bawk. Cyber Crime lam case chhuia beih zel a pawimawh zia hriain Pu SBK Singh IPS, DGP Mizoram hmalaknain May, 2020 atang khan mumal taka hnathawk thei tura siam a lo ni ta a. He Police Station hi DGP Mizoram in vawiin khan mumal taka hawnna a nei a ni. He PS hian Mizoram pum huapin thuneihna a nei a, tupawh cyber crime lama harsatna nei chuan englai pawhin complaint an thehlut thei reng a ni.