No.7099/2020-2021

Dt. 6.1.2021 khan Whatsapp leh Facebook group hrang hrangah thu dik lo, “Unlock 8.0 Inkaihhruaina dan thar tlangpui” tih chu a darh vak mai a. He thu dik lo thehdarhah hian zirna in heng, school, college leh sakhaw hrang hrang biak in hawn leh tur thu te a tel avangin mipui a tichiai hle a ni. Cyber Crime Police Station, Mizoram chuan chhui zui nghalin he dawt thu lo phuaha lo thehdarhtu chu a chhui chhuak a, Dt 7.1.2021 khan man niin a lakah hian Cyber Crime PS Case No. 1/21 Dt. 7.1.2021 U/S 505 (l)(b) IPC ziah luh ani.

Mizoram Police chuan a dik lo zawnga mipui rilru hruai thei leh mipui tichiai thei thu dik lo leh thu belhchian dawl lo thehdarh lo turin mipuite a ngen a, hetiang ti thinte chu an chungah dan anga hma lak a ni zel ang tih a hriattir bawk a ni.