1034/2022-2023
Aizawl the 24th June, 2022 : Tunhnaia ruah sur nasa avanga tuilianah Silchar, Cachar District, Assam-ah Mizoram lam mi zirlai leh mi thenkhat an tangkhang tih hriat a ni a. Mizoram sawrkar chuan rang takin Kolasib District Police leh IR Battalion atangin Mizoram Police mi 29, Rescue Team atan tir nghalin lawng pahnih leh life jacket 27 nen, nizan dar 8:30 p.m vel khan Silchar Mission Compound an thleng thla a ni.

Mizoram Rescue Team te hian Young Mizo Association Silchar Branch te nen tanghovin, tukin atang khan chhanchhuah hna thawkin tun thlengin mi 33 Silchar Mission Compound-ah him takin an thlen tawh a. Heti hian hriat theih chinah Mizo tangkhang an awm tawh lo a ni.

Heng mi 33 zinga mi 16 te hi Mizoram lamah hruai haw mek an ni.