1035/2022-2023
Aizawl, the 24th June 2022 : Mizoram Youth Commission in an buatsaih Super IAS 40 programme, a thlawna IAS Coaching sponsor tur thlanna atan vawiin khan hmun ngaa ah Screening Exam Test an buatsaih a. Aizawl Centre ah mi 188 in; Lunglei Centre ah mi 44 in; Siaha Centre ah mi 19 in; Kolasib Centre ah mi 21 leh Delhi Centre ah mi 10, a vaiin mi 282 in Screening Test hi an hmachhawn a ni.

Screening Test result hi June ni 27, 2022 (Thawhtan ni) ah tihchhuah a ni anga, personal Interview hi June ni 28-29, June , 2022 ah neih a ni ang. Aizawl Centre leh Delhi Centre a exam te tan personal Interview hi June 28 ah MYC Conference Room, MINECO, Khatla-ah neih a ni ang a, a tukah Lunglei, Siaha leh Kolasib Centre atanga Screening Test paltlangte tan a hmun ngaiah interview hi neih chhunzawm a ni ang.

Aizawl Centre- a exam hi Pu Lalramsanga, Sailo, Secretary , LESDE leh MYC official te chuan a hmunah kalin an vil a ni.

Attachment

  • Loading attachment...