261/2026-2027

STATE LEVEL NCORD MEETING

Nimin April 22, 2026 khan Chief Secretary Pu Khilli Ram Meena, IAS hovin Secretariat Conference Hall- I, Mizoram New Capital Complex (MINECO)-ah '12th State Level NCORD Meeting' neih a ni. He meeting-ah hian DGP Mizoram, State Sawrkar officer senior te, District zawng zawng a Deputy Commissioner leh Superintendent of Police te, leh NCB, Assam Rifles, BSF, SIB leh Mizoram Kohhran Hruaitute Committee (Council of Churches in Mizoram) aiawhte an tel a ni.

 Meeting-ah hian 11th  State Level NCORD meeting-a thutlukna hrang hrang bawhzui a nih dan (Action Taken Report) thlirlet a ni a. Mizoram chhunga 'Drug Free Village' (Ruihlo laka fihlim khua) zawn chhuah leh puan dan tur 'Standard Operating Procedure (SoP)' pawh pharh a ni. Hemi bakah hian New Delhi-a 9th   Apex Level NCORD meeting neih hnua 'Action Point' 15 tarchhuah te pawh chipchiar taka sawiho a ni bawk.