469/2026-2027

Aizawl the 11th May, 2026: Mizoram Police chuan kum 2026–2027 chu “Year of Discipline” atan May 6, 2026 khan Home Minister Pu K Sapdanga hoa programme buatsaihah an puang a. Vawiin khan Mizoram chhunga an unit hrang hrang ten anmahni hmun theuhah programme urhsun tak buatsaihin a takin an hmang tan ta a ni.

Year of Discipline” hi Mizoram Police Fitness Improvement Programme hnuaia kalpui mek, “Train to Excel” tihchangtlunna leh chhunzawmna a ni a. Mizoram Police Fitness Improvement Programme hi kum khat aia rei kalpui a lo ni tawh a ni. Mizoram Police mi leh sa ten taksa, rilru leh thlarau lam thlenga hriselna tha an neih theihna tur leh tha leh zuala hna an hlen chhuah theihna tur a nih beiseiin he ruahmanna hi Home Minister kaihhruainaa duan chhuah a ni.

He kumpuan, “Year of Discipline” hi Mizoram Police awmna hmun hrang hrangah urhsun taka kalpui tur niin, a lal ber atanga a rank hniam ber thlengin tha taka zawm tur a ni a. Mizoram Police chuan ram chhunga dan leh hrai kenkawh kawngah rintlak leh hlawhtling zawka rawngbawl an tum a ni.