2330/2022-2023
Aizawl 14th October 2022: Ruihhlo kan dona kawnga Agency hrang hrangte tanrualna leh thawhhona chuan rah duhawm tak, tunhnaia kan state-a heroin kan man tam ber a rawn thlen leh ta. Kan thawhpuite atanga thudawn bawhzuiin, tukin zing hma takah khan ChamphaiPolice operation party chuan New Champhai, Tuipui lui bulah, lirthei pakhat (Taxi), Lalawmpuia (45) s/o Rinzuala, Vengsang, Champhai nia inchhal khalh atangin heroin Kg 6.836 (hawng 500), international market-a Rs 34.18 Crores man chu an man. Hemi kaihhnawihah hian lirthei khalhtu hi man a niin, Champhai PS-ah case thubuai ziahluh nghal a ni a, a thlun zawmpui dangte chhui mek a ni.

Ruihhlo laka Mizoram fihlim tura kan beihna kawnga agency dangte nen inthlawp tlata hna kan thawh mek lai hian, mimal leh tlawmngai pawl hrang hrangte puihna leh thawhpuinaah pawh kan lawm hle a ni.