Tunhnaia Mizoram hmun thum(3)-a naupang rukbo tumna awm anga media hrang hranga thang, Keitum (Dt. 18.9.2019), South Lungpher(Dt 30.9.2019) leh Kolasib (Dt. 1.10.2019)-a mi te chu chanchin hriat a nih veleh Police-ten a hmunah tlawhin naupangte leh an chhungte kawmin chhui chian nghal vek a ni a, thu belhchian dawl lo a ni tih finfiah nghal vek a ni. Bungzung khuaah Dt.1.10.2019 khan vai pahnih motor-a pressure cooker zuar kualte rinhlelh avanga Bungzung VDP ten an man pawh Champhai Police ten an la a, naupang rukbo lama rinhlelhawm an nilo tih finfiah a ni bawk. Tunlaiin hnamdang mi naupang ruk bo tum che vel an awm hriat a ni lova, Mizoram Police chuan mipuite chiai lo turin a ngen a, chutihrualin thil duhawmlo thleng thei lakah hmun tina Police duty te mit leh beng chhi reng tura hriattir an ni.