Addl. SP Aizawl chuan SBI Mission Veng Branch rawk a nih chungchanga police hmalak dan thu chhuahin, ni 02.08.2017 khan Police ten SBI Mission Veng Branch ATM chu ni 29 -30.07.2017 chhungin khawih a nih thu leh pawisa tam tham tak Rs. 20,73,500 a bo thu dawn a nih thu an sawi a ni.

He an thu dawn bawhzui hian Kulikawn PS C/No. 88/17 dt. 2.8.2017 u/s 381 IPC ziah luh niin theihtawpa chhui zui nghal a ni a. Hemi ni vek hian Hmingthanruala (31) s/o K. Lalsawma, Sihphir Neihbawih chu thu zawhflah tura lak a ni a, Interrogation uluk taka neih a nih hnu in a inpuanna bawhzuiin police ten ama car chhung atangin Rs 1,29,000 leh a nu te huan Sihphir atangin Rs 17,45 ,000 hmuhlet a ni. Hmingthanruala hian pawisa fai engemaw zat chu a lo hmang then tawh ni a hriat a ni a, hemi bakah hian a nupui kut atangin Rs.14,000 hmuhlet a ni bawk. Pawisa hmuhlet (recover) tawh zawng zawng hi a vaiin Rs. 18,88 000 a ni.

Investigation hi uluk taka la kalpui mek zel a ni