Kolasib District Chief Medical Officer leh District Medical Superintendent chuan thuchhuah intawm hetiang hian an siam.
Dt.4th August 2017 khan Kolasib District Hospital ah Medica Super Specialist Hospital Kolasib a Doctor thiam bik pahnih Dr. Dk Pahari Director & sr Consultant (kidney specialist) leh Dr.Sauran Panjo, Medicine Internal Specialist ten Kolasib leh a chhehvel a dam lo a thlawn in mi 130 zet an en a. Bialtu MLA Pu PC Zoram Sangliana'n damlo inentirte damdawi man tur a tum sak a. Hei bakah hian Trauma Center ah an thisen leh zun a thlawn in test ngai test sak an ni bawk.
Free medical camp buatsaih anih theih nana bul tumtu Kolasib bialtu MLA Pu PC Zoramsangliana chungah lawmthu kan sawi a, a bul atanga a tawp thlenga hma a la hi lawmawm kan ti tak meuh a ni. Heng Doctor lo kal te hi Lengpui Airport ah Kolasib bialtu MLA nupui Pi Lalthlamuani'n lo hmuakin, Kolasib a rawn hruai thleng a ni.
Damlo te an en zawh hian Circuit House ah MLA ho in Addl DC, CMO, DMS leh Hospital a thawk lai Doctor te leh KBCC hruaitute nen inkawmhona neih a ni a. Hospital mamawh chi hrang hrang te sawi chhuak in MLA ngenna angin Emergency atana hman tur 5 channel Monitor khawl 2(pahnih) Trauma center a dah tur min pek a tiam a, heng khawl te hi MLA in Kolkata a kal hunah pek hman an tum thu an sawi bawk. Heng bakah hian Ultra sound leh Endoscopy ah Training an pek theih tur thu an sawi.
