Mizoram Football Association chuan tualchhung football tihhmasawn hi football-a hmasawnna tur a ni tih a hria a, kan Mizo Player-te tho India club lian ber bera an khelh theih laia Mizorama tualchhung football mumal taka khelh a ni lo hi a vei a, mumal zawka kalpui a nih hunah India ram football-ah ro kan la rel theiin a ring tlat thin. Sum hnar mumal nei lo association kan ni a, kan sum hmuh chhunte pawh MSSC-in kumtluana kan programme neih sa (national participation etc) mila min pek chhuah mai an nih avangin tualchhung football ropui leh sum tamna buatsaih hi kan harsat a ni. Hemi chungchangah hian tuna hruaitu ni mek ten season hmasa tan dawnakantermkantan chiah atangin thawhpui turkandap nghal a, state pawna sports management group hrang hrangtekandawr kual a, football club lian zawkte pawh sponsorship lam min buaipuisakturinkandawr a,kanbeisei angin chhannakanhmu thei mai lo. Hmasawn duhin hmathlir nei mah ila, sum leh paikanmamawh angkanzawn hmuh theih loh avangin season hmasa chhung kha chu thawhpui tur zawng leh kal dan tur tha ber ngaihtuahin hunkanhmang. Hetianga hunkanhmanlai hian Zonet Cable TV Pvt. Ltd. chuankanmamawh chhanna min rawn chhawp chhuahsak a, an duh dante leh an hmathlirte sawiin MFA nena indawr an duh thute an rawn thlen.

MFA Executive Committee chuan football league mumal zawk neih theihna a nih beiseiin Zonet lam nena indawr hi a rem ti ta a ni. Zonet inhuamna chinte MFA Executive Committee-in ngun takin a ngaihtuah a, a zir chiang tur bikte in dinin vawi tam tak ngaihtuahho a ni a, vawiin ah hian thawh dunna tur thuthlungkanziak thei ta a, a lawmawm hle a ni.

MFA leh Zonet thawh duh dan tur chu hetiang hian a khaikhawm theih ang

1.         Team pariat telna Mizoram Premier League (MPL) din a ni ang a, hei hi Mizoram chhunga football league sang ber a ni ang.

2.         MPL buaipuina tur sum leh pai ngai zawng zawng Zonet-in a tum ang a, MFA hnenah season tawp hma ngeiin a pe lut thin ang.

3.         Technical thil zawng zawng chu MFA mawhphurhna a ni ang.

4.         Zonet Cable TV. Pvt. Ltd. in Broadcasting leh Commercial Right a nei ang. Match zawng zawng hi Zonet Cable Tv ah Live a pekchhuah tur a ni a, inkhel Live a pekchhuah bakah hian he league chungchang sawihona programme neih thin a ni bawk ang.

5.         MPL inkhelh hun hi a tam thei ang ber chu Ningani leh Zirtawpni zana khelh tura ruahman a ni ang.

6.         Inkhelhna hmunah AR Lammual beisei a ni a, fur ruahtui a hul deuh hun leh Lammuala light vuah tur an peih hunah September vela tan hman beisei a ni.

Lawmman awm turte :

Lawmman (club leh player) hnena sem ral tur zat belhkhawm hi Rs. 18,76,000 a ni.

Champion

Rs. 5,00,000

Runner Up

Rs. 3,00,000

3rd Place

Rs. 2,00,000

4th Place

Rs. 1,50,000

5th Place

Rs. 1,25,000

6th Place

Rs. 1,00,000

7th Place

Rs.    75,000

8th PlaCE

Rs.    50,000

Fairplay

Rs.    20,000

Match Fee :

Match tinte match fee pek thin a ni ang :

Rs. 3,000 (winner) + Rs. 2,000 (loser) x 56 matches - Rs. 2,80,000

Mimal lawmman :

Best Goalkeeper

Rs. 5,000

Best Defender

Rs. 5,000

Best Midfielder

Rs. 5,000

Best Forward

Rs. 5,000

Man of the Match

Rs. 1,000 x 56 matches Rs. 56,000

 

Hei bakah hian inkhel en man atangin club lamin engemaw zat chan an nei dawn a, a insem dan tur hi MFA-in a la ruahman fel ang.

Team tel theite : MFA in Study Group dinin MPL a tel thei tur team thlan dan hi ngun takin a ngaihtuah a, hetiang hian thutlukna asiam

2011-2012 season a MFA First Division club zingah Dinthar FC, FC Kulikawn leh Luangmual FC te chu MFA in tehna an siam thar an zawm theih chuan MPL khel thei tura tlingsaa dah an ni a ; 1st MAP leh 3rd MAP team awm thin chu “Mizoram Police” tiin hmun khatah team tha zawkah an inhlawm khawm ang a, anni pawh hi MPL a khel thei tur an ni.

Team pariat (8) telna tura tih a ni a, hmun ruak pali (4) a la awm. Heng hmun ruakte hi MFAin Club Criteria asiamzawm thei Mizoram chhunga Football Club awm tawh phawt chuan an inchuh thei. MPL khel thei tehna tlin thei team pali (4) aia tam an awm chuan playoff khelh tur a ni ang. MPL-a tel tum team te chu an inkhel kual ang a, a sang pali (4) in MPL hi an khel thei dawn a ni.