2996/2024-2025

Aizawl, the 14^th November 2024: Vawiin chawhma khan Aizawl, District Khawpui zawng zawngah te leh hmun thenkhatah NDMA leh DMA hmalaknain Tuilian, Leimin leh Kangmei chhuak lo thlen thulha chet lak dan tur a tak thei ang berin chan chawp a ni a. Mipuite kan lo him zawk na leh kan inpuahchahna a that tawk na tura he hmalakna pawimawh tak hi District-ah chuan Bawrhsap(DDMA) te’n District Emergency Operation Centre(DEOC) theuh atangin an vil nileng a. DDMA te chetlak dan hi State Emergency Operation Centre(SEC), DM&R Office, Chawnpui atangin Coordinator Brig. Ravinder Gurung (Retd.), Sr. Consultant, (ME&IRS), NDMA, Govt. of India leh Incident Response Sytem (IRS) – Emergency thila Department pawimawh zuala Officer senior te chuan an lo vil thung a ni.

DEOC ah hian Bawrhsap te hi District Disaster Management Authority (DDMA) an nih angin Incident Response System (IRS) – DC Office officials, Police, I&PR, Medical, Fire, PHED, PWD, PE&E leh Department dang te atanga official ten en an thu a. Chhiatrupna thlenna hmunah hian Incident Commander (IC) hona hnuaiah State Disaster Response (SDRF) Team, NGO te leh rescue workers ten zawnchhuah leh chhanchhuah hna uluk tak leh a tak ang thei ang berin an kalpui a ni. Tun tum Mock Exercise-ah hian DDMA leh district IRS zawng zawng te hi Coordinator leh State IRS te nen tha takin an inbe pawp thei a. Live Streaming a nih angin inbiak laia signal tha lo vanga chat lak erawh a awm zeuh zeh thung. 

State Level Mock Exercise atan hian hmun 47 lai tun tum hian thlan chhuah a ni a. Heng hmunah te hian Tuilian, Kang mei chhuak leh Leimin avangin kawngpui tea a chhia, hospitalah kangmei a chhuak a, Lei dawh a chim a, ram a kang a leh chenna in te a chim a. Mi tam takin nunna an chan a, hliam tuar tam tak an awm bakah harsatna thleng thei dang te pawh en tir niin zawnchhuah, chhanchhuah leh siamthat hna kalpui dan tur te en tir a ni.

SEOC hi  Pu  PC Lallawmsanga, IPR(retd), Former  Principal Secretary, DM&R leh Pu Dominic Lalhmangaiha, Former Director, DM&R, Consultant, UNDP te chuan Orserver atan a ruat an nih angin an thutchilh bawk a ni.