2995/2024-2025

Khawzawl, dated 14th November, 2024: Vawiin khan State Disaster Management Authority ruahmanna angin Khawzawlah chhiatrupna thleng thei laka inven dan inzir lawkna mock drill neih a ni a, chawhma dar 10:00 a.m khan tan niin tluang takin zawh a ni a.

Mock drill hi hmun hrang hrang paliah (4) neih a ni a, DRDO Office, Khuailui peng leh Khawzawl East Lungdar (KEL) road a Chawngtlai pengah leimin (landslide) laka invenhim dan zirna neih a ni a, Kawnzar Field-ah ram kang (forest fire) laka invenhim dan zirna neih a ni bawk. Heng hmunah te hian scenario hrang hrang siam niin thi leh inhliam awm tura duan a ni, hospital a hruai tur awm anga duan a ni bawk. Khawzawl khaw chhungah siren dar 10:00 a.m ah a ri a, DC Office kawt chu staging area a hman niin he hmunah hian team hrang hrang an kal khawm nghal a ni. Addl. DC, Pu Lalfakzuala chu staging area commander a ni a, team hrang hrang te incident report pein hmun pali a thil thleng te, mihring awm zat te, chin hriat loh zat te leh thil tul dang a hrilh a, team te chu an tlan chhuak nghal a ni.

Hmun tinah hian incident commander leh deputy incident commander an awm a, anni hian an team te thil tih tur an hrilh a, command post hnenah an report let a ni. Search and rescue team te'n mi chhanchhuah leh hruai hna an thawk a, site security team te'n a hmunah team an lo veng him thung a, tluang takin an tih tur te an ti thei a ni. Hmun tinah observer an awm bawk a, anni hian mock drill a kal that leh that loh an lo enfiah a, tha zawka kalpui dan tur te an lo ngaihtuah bawk a ni.

DC Meeting Hall-ah incident command post siam a ni bawk a, DDMA Chairman leh DC Pu K. Vanlalthiana'n a ho a, SEOC nen video conference hmangin inbiak pawhna an nei reng a, incident report lo dawngin an lo thlithlai zel bawk a ni.

District hospital-ah na tuar buaipui turin team an lo awm bawk a, chhiatrupna thlenna hmun atangin ambulance hmangin hospital hruai an ni. Mock drill neihna hmun hrang hrangah hian 1st aid team te'n triaging, CASEVAC leh 1st aid an pe bawk a ni.

Mock drill zawh zelah hian observer te'n Chief Observer, Pu Suvigya S. Chandra, IAS, SDO (Sadar) hnenah report an thehlut a, incident commander te'n incident command post-ah report an thehlut bawk a ni. Chawhnu dar 2:30 p.m ah SDMA hovin video conference hmangin debriefing leh review committee neih a bi bawk a, DM&R Minister Pu K. Sapdanga chu khuallian a ni.

Incident Commander te:
1. DRDO - Pu R. Lalrinpuia, Rural Accounts Officer
2. Dapzar Peng, KEL Road - Pu Peter Lalramhluna, Asst. District Horticulture Officer
3. Khuailui Peng - Pu Timothy R. Lalhmangaiha, BDO, Khawzawl
4. Kawnzar Field - Pu Elijaj L.H. Sanga, SDC

Observer te:
1. DRDO - Pi T. Lalnuntluangi, Inspector
2. Dapzar Peng, KEL Road - Pu Lalthianghlima, Asst. Commandant, 2nd IR Battalion
3. Khuailui Peng - Pu Laldawngliana, Inspector
4. Kawnzar Field - Pu Lalzara, DIPRO

Scenario:
1. DRDO - 15 evacuated, 10 injured, 2 deceased, 6 TRIAGE patients, 4 CASEVAC
2. Dapzar Peng, KEL Road - 2 evacuated, 1 injured, 1 deceased, 3 TRIAGE patients, 2 CASEVAC
3. Khuailui Peng - 6 evacuated, 4 injured, 2 deceased, 4 TRIAGE patients, 2 CASEVAC
4. Kawnzar Field - NIL