2994/2024-2025

Dated: Mamit the 14th of November, 2024: Vawiin khan State Disaster Management Authority ruahmanna angin leimin (landslide) leh kangmei avanga chhiatna thlen thut a chetlak dan tur nunchan zirna (mock drill) chu Mamit Bazar vengah leh Zawlnuam-ah neih a ni.

Vawiin nunchan zirnaah hian Siren chu chawhma dar 11-ah tih rik a ni a.  Mamit Bazar vengah leimin avanga chhiatna nasa tak thlengin kangmei a tih chhuah avanga mihring nunna chan leh hliam chhanchhuak tura hmalak dan tur leh rang taka chetlak dan tur entirna neih a ni a, Sawrkar Department hrang hrangte chuan an mawhphurhnate tha takin an ti a ni. 

Vawiin Mock drill-ah hian SDRF 4th IR Bn. te chuan chhiatna tawh thulha chet lak dan tur an entir bawk a, vawiin chhhiatna thlengah hian mithi panga, hliam na zual panga leh hliam na vaklo pahnih awm ang a lan tir a ni. A hmunah hian Pu Pukhraj Gupta, SP Mamit chuan a endik bawk.

Mock drill hi Zawlnuam-ah Pu KC Zalena, BDO leh Incident Commander kaihhruaina hnuaiah neih a ni bawk a, line department hrang hrang ten an mawhphurna ti hlawhtlingin tluang takin mock drill hi neih a ni.

Vawiin mock drill-ah Pu Lalnunfela Chawngthu, SDO( Sadar) chu Incident Commander niin a hmun a chet dan tur a kaihruai a, medical team te, search and rescue team te leh site security team te chuan an mawhphurna tluang takin an hlen a ni. 

DC Conference Hall,Mamit-ah DEOC siam niin, Pu Jacob Lalawmpuia, DDMA Chairman leh District Bawrhsap ni bawk leh Pi Carolyn LB Khiangte, Addl DC te chu a hmunah awmin incident kal dan an lo  thlithai reng a,  Incident Commander nen inbe pawh reng in  vawiin mock drill hi an lo vil a ni.

Mock drill neih zawh hian chawhnu dar 2.30-ah video conference in DC Office -ah debriefing hun neih a ni bawk.