15.8.2016 (Thawhtanni) hi India ramin zalenna a hmuhna ni Independence Day vawi 70-na a ni a; India ram hmun dangte ang bawkin Mizoram-ah pawh he ni hi hmun hrang hrangah urhsun taka hman a ni dawn a ni.

Aizawl-ah chuan Sipai Lammual-ah he ni lawmna hi hman a ni dawn a; Chief Minister Pu Lal Thanhawla chu khuallian niin, zing dar 9:00-ah Hnam Puanzar a pawt parh ang a; March-past in chhunzawmin, National leh State level Award dawngtute hnenah leh Parade contingent tithate hnenah lawmman semin a chhunzawm ang. Chhun dar 11:00-ah he ni pual hian Mizoram Governor Lt. General (Retd.) Nirbhay Sharma chuan Raj Bhawan-ah sawm bikte tan thingpui ruai ‘At Home’ a buatsaih dawn a ni.

Kumina Aizawl-a Independence Day lawmna hi LPS Vision chuan a thlawnin an Live Telecast dawn a ni.