Kum tina January 25 a India ram puma hman thin chu vawiin khan Mizoram ah pawh hman a ni a. Aizawlah bakah District Capital-ah te he hun hi programme siam a hman a ni a. A lawmna inkhawm lianber chu vawiin chawhma khan Synod Conference Hall-ah neih a ni a. He hunah hian Governor P.S. Sreedharan Pillai chu Khuallian a ni.

Governor P.S. Sreedharan Pillai chuan Inthlang Ram kan nihna vawngnungtu leh vawnghimtu, Election Commission of India(ECI) din champha-ah Voters' Day chu Kum 2011 atang khan la hman chhunzawm zel a ni tih a sawi a. Ram zalena cheng leh mipui aiawh thlangtute kan nih angain khua leh tuite tan he ni pawimawh tak hi a hlu hle a ni a ti. Voters' Day in a tum ber chu Vote nei thei chin, kum tling tawh apiang te Vote neih tir a ni a. Vote neih hi khua leh tuite chanvo leh dikna a nih mai bakah mawhphurna hlenna a ni a ti a. Sawrkar hnathawk, Media te leh mi vengva zawk te chuan vote hlutna leh sawrkar tha siamna hmanraw pawimawh anihna hi khua leh tui te hnenah uar takin kan zirtir tur a ni a tia. Mahni duhzawng thlanga Vote hlu tak thlak theuh hi Inthlang Ram tih chakna leh tih hlawhtlinna a nih thu a sawi bawk a ni.

"Khawvel hmudang ang bawkin Mizoram hmalam hun chu tuna thlaite kutah a innghat thi a sawi a. Thalaiten phone an hmang nasa a; hei vang hian Vote nei tura inziah luh pawh a awlsam phah a. Chuvangin thalai themthiam leh tunlai thiamna hmang tangkai thei apiang te an mobile kaltlangin ECI buatsaih, voter helpline app-ah luta Vote nei tura inziak lut vek turin ka sawm a ni", a ti. Kumina thupui thlanchhuah chu, " Democracy tihchakna tura inthlan kalphung hriatchian", a ni tih a sawi a. Mipui thuneihna ram anih anga India dinhmun sawh nghet turin Inthlan Dan kalphung hriatchian leh inthlan huna phur taka tel ve zel hi ECI duhdan a ni a ti. Tunah chuan India chu Democracy hlawhtling taka a kalpui avangin khawvel ram dangte leh thenawm ram te awh leh entawn a ni a. Hei hi inchhuanna tham a ni a, ngaihhlut nachang kan hriat a ngai a ni a ti.

Tunhnaiah Mizoram Legislative Assembly Election 2018 hlawhtling takin neih a ni a. Hei hi State Election Official te inpekna rah a ni tih sawiin an hlawhtlinnah a lawmpui thu a sawi a. ECI pawh khawvel thiamna thang mek zelah a inbuatsaih thar zel a; mipui rintlak ni turin inthlan dan kalphung a siam thar thei zel a. Inthlan Niah pawh hmun ralmuang lo laia Polling Area te chu Video hmangin vil a ni tawh a. ECI buatsaih Communication for Election Tracking(COMET) hmangin Polling Booth zawng zawng englai pawhin Vote thlak ni chuan vil reng a ni tawh a ni a ti a. Governor chuan Mizoram mipui te chu Inthlang Ram kan nihna a hlawhtlin zelna leh sawhngheh deuh deuh a nih theih nan tan la chhunzawm zel turin a ngen a. "Inthlang Ramah chuan kan duhdan anga ram kalsiam her kan duh a nih chuan kan tih theih pawimawh tak chu Vote thlak a ni", tih hre thar leh theuh turin kan in chah nawn leh a ni a ti.

District Election Officer Pu Vanlalngaihsaka hnen atangin thuhmahruai leh kalkhawmte lawmna thusawi ngaihthlak a ni a.Programme tir lamah Chief Election Commission hnen atangin video Clip kaltlangin thuchah ngaihthlak a ni a. National Voters' Day puala thutiam chhamrualna Josephine Lalramchangi Fanai, Cl-XII, Govt. Synod HSS in a kaihruai a. Vote nei thar te aiawhin vote neithar mi 10 hnenah EPIC/ Voter ID hlan a ni a. Hemi hnuah hian General Election to Lok Sabha, 2019 neih taka hnathawkthate hnenah Governor P.S. Sreedharan Pillai chuan CEO'S SPECIAL AWARD a hlan a. Pu David Liansanglura Pachuau, Jt CEO in lawmthu sawiin hun a khar a ni. 16th Dec, 2019 Draft Roll tlangzarh a nih ang chuan Mizoramah voterr -Mipa - 3,81,897,Hmeichhia 4,02,000 leh Third gender -3

A vaiin Voters - 783900 kan awm mek a. Roll revision hi neih mek a ni a. Roll thar ber hi feb 7, 2020 ah hian publish leh a ni ang.

CEO'S SPECIAL AWARD Dawngtute:

1. District with highest Voters Turn out:

Lunglei District (Name of DEO : Pi K. Lalrinzuali, MCS)

Voters Turn out; 70263 Votes out of Vote rs of 107249 (65.51%)
Award: Rs 5,000/-

2. Polling Station with highest Voters turn out:

Buhkangkawn (27/1O(STJAC), Serchhip District with 98.89 % from 90 total Electors
Award : Rs. 5,000/-

3. Best Performing Polling Party:

1st- Bandiasora (32/2(ST)AC), Lunglei District
Award : Rs. 10,000/-

2nd- Serchhip IX (26/15(ST)AC), Serchhip District
Award : Rs. 7,000/-

3rd Bualpui (4/18(ST)AC), Kolasib District, Award : Rs. 5,000/-

4. Best Performing Sector Magistrate/Sector Officer:

1st Pu Laldingliana Hrahsel, EE, 1&WR, Champhai
Award : RS. 4,000/-

2nd Pu Kawidingliana Colney, Inspector, Legal Metrology, Sector-2, Lunglei District
Award : Rs. 3,000/-

3rd Pu K. Laltlanmawia, SMS(AGRO), Agriculture Department
Award: Rs. 2,000/-

5. Best Performing Flying squad:

1st -6.Serlui Team, Leader- Er. R. Ramdinthara, SDO, PHE, Kolasib District
Award : RS. 6,000/-

2nd-26.Serchhip[A) Team, Leader- Pi Zonuntluangi
Award : Rs. 5,000/-

3rd-39.Siaha(ST) AC Team, Leader - Pu K. Vanlalzuala, JE, PWD
Award: Rs. 4,000/-

6. Best Performing Static Surveillance Team:

1st -30.Lunglei Team, Leader-Pu Saizawna Sailo, Lecturer, BHSS, Serkav
Award Rs. 5,000/-

2nd-1.Hachhek Team, Leader- Pu T. Vanlaltlana, DHO, Tuidam
Award: Rs. 4,000/-

3rd-13.Aizawl East-I Team, Leader- Pu R. Lalhmingliana, SMS, Sirectora
Agriculture
Award Rs. 3,000/-

7. Oldest Female Voters:

Pi Darrohnuni (106 yrs), Kawrthah
Award: Rs. 3,000/-
mss
No.565/2019-2020