3458/2023-2024

Aizawl the 24th January, 2024 : India ram hmun dangte rualin Republic Day, 2024 chu Mizoram hmun hrang hrangah January ni 26, 2024 (Zirtawpni) hian hman tum a ni a. A lawmna pui ber Aizawl-ah chuan a hnuaia mi ang hian programme duan fel a ni :

Zing ni chhuah rualin sorkar building leh mimal inah te Hnampuan zar a ni ang a. Sakhaw hrang hrang hnenah India ram leh mipuite tana tawngtai sak tura ngen a ni.

Zing dar 7:58 ah Assam Rifles Ground (Lammual) ah Khuallian tur Mizoram Larsap Dr. Hari Babu Kambhampati a thleng ang a, Hnam Puanzar a pawhparh hnuah Republic Day thuchah a sawi nghal ang. National/State Awards bakah lawmman dangte leh Parade Contingents te lawmman sem a ni ang.

Assam Rifles Ground-a Republic Day lawmna hi LPS leh Zonet Cable TV-ah 'live' in an pekchhuah theih beisei a ni.

Republic Day, 2024 lawmnaa tel tur hian mipui a duh apiang sawm an ni.