No.1923/2021-2022
Aizawl 19th August 2021: Mizoram PWD chuan a hnuai a mi ang hian Press Rejoinder (dt 18.8.2021) a chhuah:
Vanglai Ni Daily Newspaper ni 17th August 2021 chhuak a, Pu Mahmuaka Chhakchhuak intiin “PEIH A NIH HMAA HAWN” tih thupui hmanga a rawn ziah chungchang a thudik zawk chu a hnuai a mi ang hi a ni e:-
Bairabi luh dawn a Kawnpui Lui Bailey Bridge hi a lei dawh tu contractor ten an thawhzawh thlap hnu a, commission a nih hnu chauh a bill pek theih anih avangin a approach hnadang zawh fel hma pawhin ni 5th January 2021 khan Chief Minister zahawm takin a hawngin commission a ni. Lei hawn a nih hian lei bul, lei luhna tur, Bridge approach tawite, Bridge contract hna nen inzawmna neilo chu siam that hlek a ngaih avangin, chumi hun chhung a tan Lei kha hman a la remchang lova, lei hawn tak erawh kha chu felfai tak a zawh vek a ni thung. Hemi chungchang ah hian thudik tluangtlinglo deuh vanltlang hriat tur a awm thin hi a pawi kan ti hle a ni.
Khedacherra - Damcherra - Zamuang - Kawrthah - Tuilutkawn (KDZKT) kawng sei zawng hi avaiin 89.50 kms a ni a; he kawng hi Chief Minister zahawm takin zawh tawh chin 84.50 kms a thui hi ni 13th, August, 2021 khan a hawng ta a ni. He kawng siam nan a sum min petu, NEC Shillong lamin India Independence Day vawi 75-na denchhen a hawn an duh a; chuvangin, a zawh tawh chin 84.50 k.m hi hawng mai turin thurawn min pe a. Technical Report hawn ni a sawi leh, Banner tar ahte path a kawng hawn chin 84.50 km. hi chiang taka tarlan a ni nghe nghe, la zawh loh 5 k.m hi Dampa Tiger Reserve area chhung a ni tawh a; clearance hrang hrang neih hmasak a tul avangin hna hi tan tlai deuh a ni a, chuvangin la zawh loh mai chauh a ni.
