No.1924/2021-2022
Aizawl the 19th August, 2021: Covid-19 hri vei te enkawlna tur hmanrua hrang hrang state leh ram pawn atanga tanpuina hmuhte vawiin khan Chief Minister Pu Zoramthanga hnenah hlan a ni.

Heng tanpuina dawn te hi Blockchain Charity Foundation, USA; BCCI, India leh Taipei Economic & Cultural Center, New Delhi atanga dawn niin, hengte hi a tel a ni:

a) Ventilator – 10 Nos
b) Oxygen Concentrator – 100 Nos
c) KN 95 Masks – 9,600 Nos
d) Surgical Mask – 50,000 Nos

Chief Minister Pu Zoramthanga chuan heng tanpuina dawn chungah hian lawmthu sawiin, damlo te enkawl nan tangkai taka hman ngei a nih tur thu a sawi.

Hrileng avanga damlo enkawlna Mizoramin a mamawhte Chief Minister chuan heng pawl hrang hrangte hnenah hian lo thlen tawhin, India Formosa Foundation (IFF) chuan a bawhzui a ni.

Vawiina tanpuina dawn te hi hri vei enkawlna hmun hrang hrangah a tul anga pek leh tur a ni.