860/2023-2024

Aizawl, the 20th June 2023: Vawiin khan Durbar Hall, Raj Bhavan-ah West Bengal State din champha phak lawmna hun Governor Dr. Hari Babu Kambhampati chuan a buatsaih a. He hun hi Ek Bharat Shreshtha Bharat hnuaia hmalakna niin Ministry Of Home Affairs chuan state tina Raj Bhavan te chu state day a piangah lawmna siam turin a lo hriattir tawh anga kalpui a ni.

India rama State upa leh pawimawh ber zinga mi, West Bengal hi June 20, 1947 a Bengal Legislative Council thukhawmin thutlukna a siam angin a rawn piang a ni.

Governor chuan thuhmahruaiah state dang te dincham kan lawmsak chho ta zel chu hmalakna tha tak niin a ngai a. State danga cheng te nena inhmelhriat tawnna tha zawk a lo awm theihna atan leh India cheng te kan inpumkhatna tinghet tu atana thil tangkai a ni a ti.

West Bengal Formation Day lawm tura local zawng zawng te chibai bukin West Bengal state  chungchang leh a chhunga cheng te, a nunphung leh khawsak phung chungchang te a sawi a. West Bengal chu state upa tak, a chhunga cheng te pawh India ram tana thawh hlawk tak tak te an ni a. zalenna sual tu ropui tak tak te, zirna lama mithiam leh ropui tak tak te leh ram hruaitu langsar tak tak te West Bengal atangin an lo chhuak tawh thin a ti. India ram ropuina atan leh tun dinhmun a thlen theihna chungchangah hian Bengal mite’n an thawh hlawk hle niin a sawi a. Governor chuan khawi state a cheng kan nih pawhin kan awmna hmun apiangah India ram ropui zual zelna atan leh inpumkhatna atan theihtawp chhuah tu kan nih zel a pawimawh ber a ni a ti.

West Bengal state dinhmun, a chhunga cheng te leh hmasawnna te Video-ah chhuahin program tan a ni a. Hemi hnu hian sawmbik ten West Bengal culture kaihnawih thil te zai leh lam hmangin an entir a ni.