Vawiin chawhnu khan ATI Director Pi Lalzarmawii, IAS hovin a pisa-ah ‘Strengthening of Service Delivery under the Mizoram Right to Public Services Act, 2015’ chungchangah thutkhawmna neih a ni.

ATI Director Pi Lalzarmawii, IAS chuan Mizoram Right to Public Services Act, 2015 chu sawrkar hnathawh thenkhat hunbi nei mipuiten an mamawh anga an dil chhuah ngei theihna niin mipuite tana hamthatna leh awlsamna tam tak a keng tel a ni, a ti a. Meeting-ah hian service delivery tha zawk kalpui a nih theih nan DP&AR leh ICT Department ten inremna thuthlung (Memorandum of Understanding) an buatsaih chu thlirho a ni a, Mizoram Right to Public Services Act, 2015 atana online training module buatsaih dan tur te, Information, Education and Communication (IEC) campaign kalpui dan tur te, mipuiten heng service tangkai taka an hman theih nan inhrilhhriatna Mizoram khaw hrang hranga neih tur chungchang te sawiho a ni.

Mizoram Right to Public Services Act, 2015 hnuaiah hian sawrkar department hrang hrang Food, Civil Supplies & Consumer Affairs, Rural Development Department, Taxation Department, Public Health Engineering Department (PHED), Social Welfare leh Finance Department te an awm a. Service thenkhat chu ration card pekchhuah te, MGNREGA hnuaia job card sem chhuah te, driving licence siam te, learner’s licence pekchhuah te, tui supply connection te, adoption certificate siam te an ni.

Meeting-ah hian ATI hnathawkte, I&PR Director, DP&AR (GGC) hnathawkte an tel a ni.