Vawiin khan Kolasib Circuit House ah Bawrhsap Dr.Arun T, IAS hoin zirlai naupangte tan anti-tobacco awareness huaihawt a ni.

Khuallian leh Chairman, District Anti-Tobacco Squad ni bawk Dr.Arun T chuan Indian Footballer hmingthang leh thalaite tana mi entawn tlak Jeje Lalpekhlua'n hun a rawn hmanpui thei chu lawmawm a tih thu sawiin Jeje a hnen atanga zir tur tam tak a awm thu a sawi a vaihlo zuk leh hmuam bakah ruihhtheih thil laka fihlim chu nun hriselna, hlimna leh hlawhtlinna a nih thu Jeje a hian a ti chiang hle ani a ti a, kalkhawm zirlai naupangte chu duhthlanna dik nei turin a chah a ni.

He hun hmanpui tu Jeje Lalpekhlua pawhin thu a sawi a mahni inthununa nun kawng dik zawh chu hlawhtlinna thuruk ani tiin "mahni kawng zawh turah chiang ila, chumi kawnga hlawhtlinna hmu turin engtin nge kan zawh ang " tih te pawh ngaituah tel angai ani a ti a, harsatna tamtak paltlang ngam turin tumruhna leh huaisenna te a ngai a, hrisel that te a ngai a, hrisel tha tur chuan vaihhlo, zuk leh hmuam leh ruhtheih thil laka kan fihlim hi thil pawimawh tak ani a ti.

He hunah hian Dr.C.Vanlalhlimpuia, District Nodal Officer, National Tobacco Control Programme chuan zirlai kalkhawm te hnenah vaihlo thatlohzia leh a hnathawh hlauhawmzia chungchangah te zirtirna a pe bawk a ni.

He hun ah hian Kolasib khawpui chhunga sikul hrang hrang atanga zirlai naupang bakah Khawtlang hruaitute leh Kolasib District a Anti-Tobacco Squad member te an kalkhawm a ni.