Vawiin chawhma dar 11 khan Mizoram Rural Bank branch hawn thar Ruantlang Branch chu Pu Sangdingliana IAS Champhai District Bawrhsap chu khuallian niin a hawng.Hawnna inkhawm hi Pu Naveen Thapa Champhai Branch Manager-in a kaihrua ia.

Khuallian Pu Sangdingliana IAS Champhai Bawrhsap chuan thusawiin khuallian chuan, ' Mizoram Rural bank chu mitin thleng phak leh midangte tana malsawmna thlentu bank an ni chu fakawm a tih thu a sawi a, Mizoram rural bank branch thar chu mipuite tan hmasawnna thlentu ni ngei se, mipuite pawhin chhar tangkai ngei se a duh a sawi bawk. Sum khawl kawngah mipuite kan thanharh a tul a,Saving account neih hi a him a, rukru, kangmei leh chhiatrupna thleng thin vanga kan sumte kan chanfo lohna turin Bank kan hman tangkai a tul a ni a ti.

Pu C.Malsawma Senior Manager Mizoram Rural Bank pawhin thusawiin " Mizoram rural Bank chu din tan a nih dan a sawi a, Mizoram Rural bank chuan Mizoram bank te zingah sawrkarna a chang mek a, Branch network zau ber a ni a, Business level-ah pawh a sang ber pawl a nih thu a sawi bawk. MRB chu kum 20 chhung loss hlirin a kal a, kum 3 kalta vel atang khan profit an neih ve chauh thu a sawi a, chung an profit atang chuan zirlai naupang 400 vel an sponsored mek a, Aizawl District-ah Morgue Van an dah tawh thu leh Lunglei leh Champhai-ah pawh dah tura hmalak mek a nih thu a sawi bawk.

He hunah hian Ruantlang VCP pawhin an khuaa Branch thar din a ni chu lawmawm a tih thu sawiin, an khaw mipuiten an chhawr tangkai ngei a beisei thu a sawi bawk a, Kaprumvunga Ruantalng Branch Manager-in lawmthusawiin he hun hi a khar a ni.

Ruantlang Branch hi Mizoram Rural Bank-inMizoram chhunga an branch 74 hawnna tur a ni a, Champhai District-ah chuan Branch 10 an hawnna a ni thung.Mizoram Rural Bank Ruantlang Branch hi Branch Manager, Cashier leh Business Facilitator ten an thutchilh dawn a ni.