1704/2022-2023
Aizawl 25th August 2022: Mizoram Rural Bank chuan vawiin khan an office Auditorium ah Lalremsiami chawimawina hun an hmang.

He chawimawina inkhawm hi Pu C. Ramdinsanga, General Manager, Network – I in kaihruaiin MRB Chairman Pu V. Jaya Chandra chuan, “India ram National Game chu Hockey a ni a, Remsiami hi chu infiamna a Player pawimawh tak a ni” tiin Remsiami chu nula chhuanawm tak, chawimawi tlak a nih thu a sawi a. Chutih rualin Mizo thalaite zingah tumruhna neia midang pawh he a hlawhtlinna hian a cho chhuah zel a beisei thu a sawi bawk.

Remsiami pawhin lawmthu sawiin a kalna zel tura Pathian hruaina dilpui thin turin a ngen nghal bawk. Mizoram Rural Bank chuan Remsiami lawmpui nan hian pawisa fai Rs. 2,00,000/- (Cheng nuai hnih) leh Lawmpuina thuziak (Citation) bakah PUC Branch – in Bible an hlan bawk a ni.