1705/2022-2023
Aizawl, the 25th August 2022 : Health & Family Welfare Department hnuaia World Bank sum hmanga mipuite hriselna tihchangtlunna project kalpui mek – Mizoram Health Systems Strengthening Project (MHSSP) thuneituten vawiin khan Aijal Club ah natna inkaichhawn theihlohte Non-Communicable Diseases leh health insurance chungchanga khawtlangin hma an sawn theih dan turte, a bik takin mipuiten hemi kawngah engtin nge inzirtirna leh inhrilhhriatna tha an nei thei ang tih duanchhuah nan inrawnkhawmna StakeHolders’ Consultation meeting an buatsaih.

Inrawnkhawna hi MSHHP Project Director Dr. Eric Zomawia’n kaihruaiin project in mipuite hriselna tihchangtlun kawnga hma a lak tum dan tlangpui te tarlangin inrawnkhawmna hian rah tha tak, mipui zirtir leh inhrilhhriat kawngah a chhuah ngei a beisei thu a sawi. Kalkhawmte chu group hrang hrangah inthenin Mizoram chhunga natna inkaichhawn theih loh (Non-Communicable Disease) vei zat tihniam thei tura mipuite hnena inzirtirna pek dan tur kawng leh Health Insurance-a hma kan sawn theihna tura thil tangkai tur te an sawiho a ni. Meeting ah hian Stakeholders – Sawrkar Department thenkhat leh Pawl hrang hrang 23 aiawhte an tel a ni

Zirchhiana neih tawh atanga a la danin Mizorama damlo te natna nei zawng zawng, za zelah 55.5 hi natna inkaichhawn theihlohte - cancer, zunthlum, thisen sang, lung natna leh adangte Non Communicable Diseases tih te hi a ni a. Mizoram Health Care Scheme (MHCS) leh Pradhan Mantri Jan Arogya Yojana (PMJAY) Mizorama kalpui ani chungin hemi chungchang hrelo mipui hi an la awm nual a ni.