3070/2024-2025

Dated Kolasib the 19th November 2024: Vawiin khan Kolasib Diakkawn a Mizoram Rural Bank Kolasib Branch Building thar chu Pu Robert C. Lalhmangaiha, DC Kolasib chuan a hawng.

Khuallian Pu Robert C Lalhmangaiha chuan Mizoram Rural Bank chu Mizoram a Bank dangte nen pawha khaikhinin a titha pawl an nih thu a tarlang. Bank service te tangkai zawka hmang thiam turin kalkhawmte a chah a . Kolasib mipuite tana tangkai tak ni zel turin Bank a thawktute a beisei thu a sawi bawk . Pu Lalduhawma, Regional Manager, MRB pawhin thu sawiin MRB chu Mizoram a Bank te zingah a thangduang ber leh dawrtu pawh nei thahnem tak a ni, a ti a. Hmun kilkhawr ber berte hrutin a inzarpharh a mipuite tan theihtawpin a thawk a ni tiin Mizoram Rural Bank chungchang a sawi.

Branch thar hawn inkhawm hi Pu HD Lalthuamluaia, Manager in a kaihruai a. Bank Building thar hi Rev. Lalnunsiama Sailo, BCM Kolasib Bialtu Pastor in Pathian hnenah a hlan. Pu Saibal Kanti Roy, General Manager, MRB chuan kalkhawmte lawmna thu sawiin hun lokal zel turah pawh taima taka Bank tana tangkai zel turin a sawm.

He hunah hian kalkhawmte tana tangkai tur zirtirna pawimawh tak tak Head Office staff te atangin an zirirna an pe bawk a. KYC pawimawhnate, Training pawimawhnate, Pawisa khawl pawimawhnate bakah sawrkar laipui scheme pawimawh tak PM Vishwakarma chungchang chu inzirtirna neih a ni.

Kalkhawmte atang pawhin Bank an hmuh dante, an lawmnate, an tana Bank tangkai dante an tarlang bawk a. Branch building thar hawn inkhawmah hian Sawrkar Department aiawhte, SHG member te, Bank dawr thinte eng emaw zat an tel a ni.

Tun dinhmunah hian MRB Kolasib Branch hian ₹ 812 lakh deposit neiin, ₹ 732 lakh loan a pe chhuak tawh. CD Ratio chu 90.15% a ni mek. Pi Melory Lalremkim, Chief Manager, Kolasib Branch in lawmthu sawiin Branch building thar hawn inkhawm hi khar a ni.