No.6264/2020-2021 

Mizoram sawrkar Home Department chuan vawiin October ni 19, 2020 khan thuchhuah siamin October ni 16, 2020 chawhnu atangin Assam atanga bungraw phur lirthei khalhtuten Mizoram an lut ngam tawh lo chu pawi an tih thu an tarlang a. Assam leh state dang atanga Mizoram pana lo lut tur bungraw phur motor khalhtute tan engmah hlauh tur a awm lo a, sawrkar chuan an himna tur ngaihtuahin theihtawp a chhuah dawn tih a hriattir.

Mizorama tlawmngai pawl pathum - CYMA, MZP leh MSU te pawhin vawiin vek khan thuchhuah intawm siamin Assam atanga bungraw phur motor te thlamuang taka Mizoram lut turin an sawm a ni.