No.6265/2020-2021 

Dated Serchhip, the 19th October, 2020: Pu Kumar Abhishek, IAS, Deputy Commissioner chuan a hnuai ami ang hian Containment zone a puan thu Order a chhuah.

Serchhip P&E veng leh Chanmari vengah te covid-19 hri kai hmuh chhuah an ni a. Heng mite hi hri an kaina hriat a ni lo a.

Chief Medical Officer, Serchhip lehkha No. B.11018/1/2020-CPVID-19/CMO(S)/333 dt. 19.10.2020 kaltlanga rawtna a siam angin mipuite kan lo him tlan zawk nan leh helai chhehvela natna hrik hi a darh lohna tura hmalak hi tul ngei niin a lang a.

Tin, Containment & Surveillance Plan on Covid-19 for Mizoram, Sorkar lehkha No. D.33011/22/2020-HFW(nCOV)Pt.III dt.09.06.2020 hmanga tihchhuah, para 4-ina a sawi angin, heng hmunte hi hrik kaidarh zel theihna a nih avangin contact tracing mumal leh chak taka kalpui a ngai .

Chuvangin, kei Kumar Abhishek, IAS, Deputy Commissioner, Serchhip hian The Mizoram Epidemic Disease (COVID-19) Regulations, 2020, sub-section 1 of section 11 leh Mizoram Sorkar Order No. B.13021/101/2020-DMR/Vol-II dt.30.09.2020-in thuneihna min pek angin a hnuaia hmun Schedule-a tarlante hi Containment Zone-ah thu leh awm hma chu ka puang e. He Containment Zone-ahte hian a hnuaia tarlan ang hian khuahkhirhna khawng taka kalpui tur a ni ang.

Containment Zone chhunga cheng zawng zawngte chu mahni inah inkharkhip vek tura hriattir kan ni.

Dawr, workshop leh hnathawhna hmun dangte chu khar tur a ni.

Sorkar office leh zirna in erawh chu Sorkar thupek awm sa tha taka zawmin kal chhunzawm tur a ni. Mipui dawr theih erawh an ni lo ang.

Containment Zone chhunga motor kal reng rengte chu chawlh emaw din emaw khap tlat a ni a, veng dang pan nan erawh tlan tlang phal a ni ang.

Rikrum leh hmahmawhthlak thila chhuah ngaite chuan VLTF remtihna la hmasa in leh Sorkar dan siam sa zawmin chhuah phal a ni ang.

Executive Magistrate, health, police leh Fire & Emergency Services hnathawkte leh Deputy Commissioner, Serchhipin a bik taka phalna a pekte erawh chu he khuahkhirhna hian a huam lo ang.

SCHEDULE
Chanamri Village Council huam chhung.
P&E Veng, Serchhipah chuan Little Flower Convent School peng leh Soil(Land Resources, Soil & Water Conservation) office peng inkar, LRS&WC Office building chin tiam lovin, Ah&Vety office complex thlang tuikhur thleng.

Tupawh he khuahkhirhna thupek bawhchhia apiang chu Sec. 188 IPC hmanga hrem theih an ni ang. He schedule huam chhunga mihring chengte leh official duty te chu Aarogya Setu mobile application-ah in register vek tur a ni.

He thupek hi court seal chhuin vawiin 19th October,2020 hian ka nemnghet e.