No.6266/2020-2021
Dated Serchhip, the 19th October, 2020: Pu Kumar Abhishek, IAS, Deputy Commissioner Serchhip chuan COVID-19 hri kai hmuhchhuah anih chuangchanga mipuite hriattur a hnuai ami ang hian hriattirna a chhuah.
Vawiin 19.10.2020 hian Serchhip khawpui chhung hmun hnih- Chanmari Veng leh P&E Vengah te COVID-19 hri kai an awm tih hmuhchhuah a ni a, District Administration leh Health Department thuneituten hma la nghalin contact tracing leh tih tur tul dangte tih nghal a ni a. Serchhip mipuite chi-ai lo turin kan inngen a, thuneitute thu ngaichang turin leh a hnuaia tarlan te hi zawm turin kan inngen e.
COVID-19 hri kaite lo contact kan awm a nih chuan mahni veng VLTF-ah theuh in report tur a ni a, Health Department-ah pawh heng phone no.-ah te hian in report theih a ni e- 9862235327, 8413936387.
Contact zawng zawng mahni inah inkhung tura hriattir kan nia, sawrkar thuneitute thu ngaichang turin kan inhriattir bawk e.
Mizoram sawrkarin lehkha No. B. 13021/101/2020-DMR/Vol-II dated 30.09.2020 a chhuaha a tarlan angin Chief Secretary leh Deputy Commissioner-te lo chuan containment zone/lockdown an puang thei lova, chuvangin tumahin mahni veng/VC huam chhungah lockdown lo puan tur a ni lo.
Sawrkar office, zirna in leh sumdawnna hmunte containment zone/lockdown area-ah lo chuan inkhar a ngai lovang.
Sawrkar thuchhuak reng reng ngai pawimawh leh zawm turin kan inngen e.
