1692/2026-2027

Dated Aizawl, the 7th August 2026: Vawiin khan Mizoram Sawrkar hnuaia Higher Education Institute-te tan Workshop Aijal Club-ah buatsaih a ni a. Higher and Technical Education (H&TE) Minister Dr. Vanlalthlanan a hmanpui a ni.

Minister chuan thu sawiin Mizoram sawrkar hnuaia zirna inte chu hmun dang ami te nena khaikhinin kum lamah pawh la nau tak ni hlawm mah se theihna an neih that zia a lang a ti a. Zirna In pakhatin danglamna a thlen nasat theih zia sawiin hmun danga tihdan tha zawk awmte chu entawn turin kal khawmte chu a fuih bawk. Sum awm ang ang te a nihna tur ang taka hman a nih chuan hmasawnna nasa tak thlenna khawp a awm thu a sawi a . Kal khawmte chu tan nasa leh zuala la tura fuihin ram dangte um pha mai lo va, lehpel thei tura inbuatsaih turin a chah a ni.

Dr. Vanlalthlana hian College/ Institution 13-te hnenah Smart Board, Computer, Printer leh an mamawh dangte a hlan a. Heng bungruate hi RUSA 2.0 Preparatory Grants Central Sawrkarin a pek chhuah thar atanga lei a ni.

Workshop hi chawhma leh chawhnu session-a then a ni a. Chawhma lamah hian College leh Institution-a Principal-te nen inkawmhona hun neih a ni. Chawhnu lamah hian training session neih niin PM-USHA chungchang te, Financial Matters leh SNA SPARSH Model chungchang te, PM-USHA Portal chungchang te, GeM chungchang te leh PM-USHA hnuaia Project hrang hrang te an zirho a. H&TE Joint Director(QAC) Prof. Benjamin Lalrinsangan lawmthu sawiin hun a khar a ni.