1691/2026-2027

Aizawl the 7th August, 2026: Vawiin, August ni 7, 2026 hian Mizorama a vawi hnihna atan UPSC Grooming Scheme Entrance Examination chu MBSE Conference Hall-ah Mizoram Board of School Education-in a buatsaih leh a. He Entrance Examination hi MBSE hnuaia HSLC 2026 exam-a mark 414 (full mark 500-ah) hmu chinte exam theih a ni a, naupang 121-ten an hmachhawn a ni. He exam hi UPSC exam hrang hranga Mizo thalai tam zawk kan tlin chhoh theih nana Mizoram sawrkar hmalakna a ni. Mi 50 personal interview tura koh zinga a tiṭha zual mi 10 (sawm) thlanchhuahte chuan he scheme atana Mizoram sawrkar thawhpui Coaching Centre hnuaiah Higher Secondary School an kal chhung zawngin coaching class an kal chhunzawm ang. Nikum 2025-a he exam kaltlanga thlanchhuah, zirlai 10 (sawm)-te tan pawh coaching class hi kalpui mek a ni.