Mizoram sawrkarin Accredited Journalist te ralna a pek thin Rs 1,50,000/- chu nikum November a boral ta Pu J. Lalthangliana nupui, Pi Darhlupuii Thangluah hnenah Mizoram sawrkar aiawhin Pi Lalnithangi, Director, I & PR Department in vawiin khan a office-ah a hlan. 

Ralna hun hi I&PR Director in kaihruaiin Pu J. Lalthangliana chu chanchinbu mi, ram roreltu leh hnam humhalhtu a nihna ah te mi chhuanawm tak anih thu a sawi a. He hunah hian MJA President Pu Vanlalrema Vantawl  chuan thusawina hun a hmang a, I&PR Department Officer-te leh MJA hruaitute an tel kim hle a ni. 

Pu. J. Lalthangliana hi Mizo Arsi chanchinbu editor leh MJA President lo ni tawh thinin, Mizoram sawrkar in Prominent Press Representative atana a puan mi panga zingah a tel a, MLA  leh Minister a lo ni tawh bawk a ni.