Vawiin khan Hmar People Convention (Democratic) HPC(D) leh Mizoram sawrkar aiawhte chu Tourist Lodge, Chaltlang-ah an inbia.

He inbiakna ah hian Mizoram sawrkar agenda chhawp chhuahte leh HPC(D) lam atanga agenda chhawp chhuahte chu zau taka sawiho a ni a, inpawh tlang taka inbiakna neih chhunzawm zel an rel.

Mizoram sawrkar aiawhin he inbiaknaah hian Pu Lalbiakzama, Jt Secretary, Home department chu Team Leader a ni a, Pu David H. Lalthangliana OSD, Home Department chu Member Secretary a ni. An ni bakah hian Team Members Pu H. Ramthlengliana, SP, CID (SB), Pu Lalchungnunga, Addl. DC, Aizawl, Pu Lalhriatpuia Dy. Secretary, Home Department leh Pu Laltanpuia Sailo Inspector te an tel a. Member invitee Pu Zahmingthanga, Superintendent, Home Department chu a tel bawk.

HPC(D) aiawha telte chu Pu LT Hmar, Working Chairman, HPC(D), Team Leader; Pu Lalthalien, Member Secretary an ni a. Team members dangte chu Pu Joseph R. Hmar, Pu Lalmuanpuia Punte, Pu Rohringa, Pu Lalremruata Varte leh  Pu F. Sanhim, Council Member te an ni.