No.1460/2020-2021

Finance Department OM No.G.17014/4/2019-FEA Dt. 28.05.2020 in Council of Ministers lo rel tawh angin Economy Measures kalpui dan tur hetiang hian a duang -

A. BUDGETARY CUT: Centre leh State atanga revenue lak luh BE hnuai daih a nih avangin, kan inrenchem theih nan budget a sum lo ruahman tawh sa hetiang hian tih hniam a ni:

1. Office Expenses: Ni 45 lai lockdown kan lo kal pui tawh avangin office ah sum hmanna a tlem phah hle a, hetiang a nih avangin OE hi BE 2020-21 atangin 25% in tih hniam a ni.

2. Domestic Travel Expenses: Lockdown kal pui rei a nih tak avangin zinchhuahna, state chhungah leh state pawnah, a tlem em em a, hemi avang hian Domestic Travel Expenses hi 35% a tihhniam a ni. Amaherawhchu hemi hian Police Department, Health Department leh Deputy Commissioner Office te a huam ve lo ang.

3. Medical Treatment: Medical Treatment hnuaia saving fund object head danga dah phal a ni lo.

4. Supplies & Materials: Department zawng zawng ten, Food, Civil Supply & Consumer Affairs Department tih loh, an BE 2020-21 atangin 85% aia tam an hmang tur a ni lo.

5. Grants in Aid (non-salary): 10% in tihhniam a ni ang.

6. Other Charges: 10% in tihhniam a ni ang. Power & Electricity Department in an kawlphetha leina tur pawh hemi mil hian an her rem anga, an BE 2020-21 atangin 90% bak an hmang tur a ni lo ang.

7. Minor Works: 25% in BE 2020-21 chu tihhniam a ni. Hemi milin department-te pawhin hna an thawk ang.

8. Major Works: 15% in tihhniam a ni. Department major works nei te pawhin hemi mil hian an hna an thawk ang. Amaherawhchu state pawn atanga funding – CSS, EAP, NABARD etc. te chu a huam ve lo ang.

Finance Department in 2020-21 a additional budgetary allocation a lo siam tawh erawh hemi budgetary cut hian a huam ve lo ang.


B. ECONOMY MEASURE DANGTE: Sorkar sum hman tihhniam a nih theih nan a hnuaia mi ang hian inrenchemna kalpui a ni ang:

1. State funding a India ram pawna zin khap a ni. State funding lo a zin erawh hemi hian a huam ve lo ang.

2. Publication reng reng chu a theih a tam electronic for-a kalpui ni se.

3. Advertising leh publicity te a tam thei ang bera online hmanga tih ni se.

4. Lirthei pakhata thla khata POL pek theih zat chu 60 litres atangin 50 litres ah tlakhniam tir a ni a. Hemi hian department zawng zawng a huam anga, department tin ten treasury office ah proforma bill bakah lirthei list an submit tur a ni. POL hman theih chin bak duty nana hman te chu proforma hrangin bill tur ani anga, heng duty na leh POL pekchhuahna te chu car diary ah ziah luh vek tur a ni ang.

5. GAD Order No.D.25011/10/2018-GAD/Pt-1 dated 27.06.2019 in a telephone/internet/mobile bill a lo tuk ang te chu 25% a tihhniam vek a ni ang.

6. Semi-official a officer te hman tur IT hmanrua reng reng lei phal rih a ni lo ang.

7. Computer leh laptop lei khap rih a ni anga, amaherawhchu scheme in a ken tel angah chuan thlah dul theih a ni ang.

8. A tul viau a nih loh chuan state fund atanga lirthei lei khap rih a ni ang.

9. A tul viau a nih loh chuan post thar siam belh khap rih a ni ang.

10. A tul viau a nih loh chuan direct recruitment zawng zawng tih tawp lailawk a ni ang. Amaherawhchu, MPSC leh MSSSB a lut tawh ho te chu chhunzawm tur a ni ang.

11. Muster Roll/Provisional Employees leh Contract Employees te regularize-na tur pawh chawlh lailawk rih a ni ang.

12. Compassionate appointment te pawh chawlh lailawk a ni ang. Amaherawhchu, approval awm tep tawh te chu chhunzawm phal sak a ni ang.

13. Lirthei siamthatnaa sum senna a tlem theih nan Annual Maintenance Contract System kalpui a ni ang. Department zawng zawngten June, 2020 thla tawp hma in an tih tur theuh an tih hnuah July, 2020 kar hmasa berah Finance Department (EA) ah report an submit tur a ni ang.