No.1459 /2020-2021

Aizawl the 29th May, 2020: New Delhi atangin Mizoram mi leh sa tangkhang mi 1,402 Shramik Special Train a lo haw te chu nimin (28.5.2020) khan CM Relief Fund atanga sum hmuh hmangin Delhi Mizoram House Resident Commissioner office chuan screening leh transportation leh ei tur buaipui sakin, a hnuai a mi ang hian hma an lakpui a ni.

• New Delhi-a Screening kalpui a nih chhungin waiting area tur puan in kaih in, khawlum lutuk laka an him theih nan fan engemawzah hun a ni. Screening tih zawh vek hnu ah an rawn chho a ni.

• Additional RC hovin Mizoram House officer leh staff ten Mizoram House atanga screening centre a phur tur Bus an buatsaih vek a ni. Mizoram Welfare Association ten tlawmngaiin an pui bawk.

• Screening ti tura waiting area a awm te tan hian tukthuan leh tui in tur pek vek an ni a.

• Lunch pek an ni vek bawk.

• Passenger 1,402 te hi DTC bus 70 ruaiin screening centre atangin train station ah nimin chawhnu dar 2 atang khan an phur phei a. An vaiin station ah tlai dar 5:30 an thleng kim a ni.

• Passenger te hi Railway board leh IRCTC ten snack leh water bottle an pe a. Heng bakah hi Packed dinner, dry ration (wai wai, biscuits) leh 4 litre water bottle chu passenger zawng zawng Mizoram House Resident Commissioner Office chuan a tum sak bawk.