Mizoram Science, Technology & Innovation Council(MISTIC), North Eastern Council(NEC) leh Department of Science & Technology(SERB), Government of India tangkawp chuan kum in October thla ni 13 leh 14 ah khian a vawikhatna atan Mizoram Science Congress chu Mizoram University Campus (MZU), Tanhril ah a duh a piang tana chhim theih turin a buatsaih dawn.

Mizoram Science Congress hmasaber ah hian thupui atan ‘Science & Technology for shaping the future of Mizoram’ tih chu hman a ni dawn a. He Science Khawmpui chhimtu te tan hian zirbing miten thil tangkai tak tak bakah mipui in an ngaihven – Cancer damdawi atana ramhmul damdawi hman chungchang, Pa (mushroom) chungchang leh Pa eisual theih dan chungchang, lei tihthat dan, ran hrileng thin chungchang te, Mizoram leh a chhehvelin lirnghing kan tawrh thin dan leh a hlauhawm theih dan te, Hunthar leitlahniam chungchangte leh ngaizel phei vel a lung tla thin dinhmunte bakah zirchianna behchhan a buatsaih thu bengvar thlak tak tak chi 90 vel zet an chhawpchhuak dawn a. Heng bakah hian zirlaite kutchhuak leh thilsiam, sawrkar department hrang hrang hmalakna te bakah Mizopa pumchhuak thil siam tangkai tak tak te phochhuah nghal a ni ang.