Vawiin chawhma dar 11:00 khan Siaha District Disaster Management Authority bultumin D.C.’s Conference Room Siaha-ah “School Safety Training” buatsaih a ni.

He hun hi Pu Andy Lalfakzuala Varte, SDC (P) chuan kaihruaiin, Pu N. Chakhai, Additional Deputy Commissioner leh Chief Executive Officer, District Disaster Management Authority ni bawk chuan he Training hi a hmanpui a, Pu N. Chakhai chuan thu sawiin School a chhiatrupna chungchanga inzirtirna mumal tak kan neih hian Naupangte’n an zawm awlsam bik a, an than hnan a, an mahni an him phah bakah midang an tanpui theih phah thin a ni tiin zirlaite hian an nu leh pate ai mahin zirtirtute thu an rin zawk chang a tam a, hei vang hian School ngeia zirtirna neih thin hi a pawimawh hle a ni a ti bawk.

Pu VL Zuithanga, District Organiser, DM&R in School Disaster Management Plan siam puitlin a nih theih nan heng a hnuaia topics : 1) Sensitisation Meeting for Awareness Amongst Teachers/School Management, 2) Demographic Profile of the School, 3) School Disaster Management Committee(SDMC), 4) School Disaster Management Teams, 5) Hazard Identification and Safety Assesment, 6) Inventory of Resources, 7) Vulnerability Mapping, 8) Response Plan, 9) Recovery, 10) Dissimination of the Plan to Every body in the School, 11) Conduct Regular Mock Drills, 12) Evaluation and Updating of the Plan to Improve Effectiveness tih hmangte hian zirtirna a pe a ni.