Mizoram Science Society leh Mizoram Council of Science & Technology tangkawp chuan National Science Day 2013 thupui Thlai chi siam danglam leh ei-bara intodelhna (Genetically Modified Crops and Food Security) behchhana Essay inziahsiak a buatsaih lawmman semna leh hemi chungchang thupui zirhona chu vawiin December 3, 2013 khan I&PR Auditorium-ah a buatsaih a, he hun hi Mizoram Science Society-a General Secretary Pu Aldrin Malsawmtluanga’n a kaihruai a. Mizoram Science Society hi Mizoram-in Science lama hma a sawn ve theih nan Mizo mithiam hmasa ten May ni 19, 1979 khan an lo din a nih thu leh a Mizorama Science pawl din hmasa ber a nih thu Secretary Pu Samuel Lalmalsawma chuan a tarlang a. Pi Lalzahawmi Chenkual, Associate Professor, Govt. Zirtiri Residential Science College hnen atangin “Thlai chi siam danglam leh ei-bara intodelhna” chungchang paper ngaihnawm tak ngaihthlak a ni bawk. Mizoram Science Society Adviser Er. Dunglena’n he hun hi hmanpuiin lawmman te a sem a, a hnuaia tarlan ang hi essay inziahsiaka lawmman dawngtute chu an ni :-

1-na : Lungduhsanga, DC Office, Lunglei

2-na : Miriam Ramhmachhuani, Saitual

3-na : Lalhmingmuana, Tuikual South.

Consolation Prize dawngtute chu :-

1. C. Lalengkima, Vaivakawn, Aizawl

2. Andrew Lalthlamuana, Ramhlun Vengthar, Aizawl

3. Zothanpuia, Department of Biotechnology, MZU

4. Helena Lalmuanpuii, Chaltlang, Aizawl

5. Vanlalpeka, AICS, Tanhril, Aizawl