Vawiin khan Mizoram KVI Board training Centre - Multi Disciplinary Training Centre Zemabawk-a training zo mi 67 te leh Rural Self Employment Training programme hnuaia Skilled Development training zo mi 13 te hnenah Pu. K. Zoremsanga, Principal, MDTC in Certificate a hlan a, PMEGP scheme hmang tangkaia Industry hlawhtling taka din theuh turin a chah.

Multi Disciplinary Training Centre Zemabawk -ah hian Industry chi hrang hrang- Puanthui, Cane atanga thilsiam, Sahbawn siam, Mau hmanga thilsiam, chawhmeh leh chhang siam, khuai khawi, Thing atanga thilsiam, thir atanga thilsiam leh Vun, hmai leh sam enkawl dan zirtirna awmin, thlathum, thlahnih leh thlakhat course te a ni a. Kumtluan in training pek thin niin training zawng zawng te hi thla tin stipend Rs.500/- pek thin a ni a. Aizawl-a awmna tur neilo te tan Hostel a awm bawk. Heta tanga training chhuak te hi State pawn ah engemaw zat hnathawkin an chhuak tawh a, Mizoram chhungah pawh eizawn nana hmang tangkai mi tam tak an awm tawh a ni.

Ni 6.1.2014 atangin training hi tan leh tur a ni a, chumi atan chuan tun ah hian dilna hun an hawng mek bawk. He Centre-ah vek hian Ministry of Human Development leh State Bank of India tangdunin Skill Development training programme thlakhat chhung awh an huaihawt thin bawk.