Mizoram Science & Technology Expo - 2009 chu vawiin khan Millennium Centre Roof Top ah State Planning Board Vice Chairman Pu Lalkhama’n a hawng.
Thu sawiin Pu Lalkhama chuan khawvel thila mihringte awm dan tur chu an technology ah a innghat tiin “tuthlawh leh chempui technology a kan chen chhung chuan Mizo hnam hi kan changkang thei lovang” a ti a. Khawvel chu nunna awm theih nan science hmanga Pathianin mak taka a rem khawm a nih avangin ruah leh boruak thianghlim insiam chhawn dan te, lei hipna leh a hnathawh te, ni zung chakna leh chumi laka nunna venghim tura ozone insiam dan ah te thil hmuh chhuah belh tur a la tam em em a. Heng physical law (lei dan)hnuaiah hian mihringte kan cheng rih a. Physical law hman tlak tawh lohna hmun kan thlen hma chuan mihring khawsak ti awlsam tur leh ti nuam tur te, hriselna leh dam reina atan te, hna thawh nan te science chu a pawimawh em avangin technology thar leh tha zawk hmu chhuak tura beih zel a ngai a ni, a ti a. Mizoram ah hmanrua leh remchanna a tlem avangin Mizote chu a hnam angin science leh technology lamah hnufualin lang mah se, mimal talent nei tha tak tak an tam a. Science leh technology lama thang turin State Planning Board chuan eng nge a tih tur tih ngun taka ngaihtuah a, a hma lakna turah thalai zawk ten fin chhuah fo turin a sawm a. Science & Technology Expo-2009 chu thalaite rilrua science pawimawhna ti thartu ni turin a duhsakna a hlan a ni.
Science & Technology Expo-2009 hi nikum atang khan neih tan a niin kuminah hian Planning department hnuaia Organizing Committee dinah Mizoram Science Society, STAM leh MIPOGRASS ten hma an la a. Vawiin-a Expo hawnna inkhawm hi Dr.Vanlalzara, Chairman, Organising Committee chuan a kaihruai a ni.
Kumin Science & Technology Expo ah hian Zopa thluak hmanga duan chhuah, Indigenous technology pho lang turin mi 13 thlan chhuah ten an thil siamte an entir dawn a. Sorkar department 11, mimal sumdawng 3 leh eizawnna lam kawhhmuhtu 1 an tel bawk a ni. Expo hi December ni 4 thleng neih a ni dawn a, hemi chhung hian school leh college naupangte tan intihsiakna chi hrang hrang, Quiz competition, lemziak leh elocution competition te buatsaih a ni a. “Recent Advances in Science & Technology” tih thupui hmangin State level Symposium neih a ni bawk ang a. Science tangkaina tarlang thlalak tha inelna chu a hawn ni atanga neih a ni bawk.
Science & Technology Expo-2009 hi nikum atang khan neih tan a niin kuminah hian Planning department hnuaia Organizing Committee dinah Mizoram Science Society, STAM leh MIPOGRASS ten hma an la a. Vawiin-a Expo hawnna inkhawm hi Dr.Vanlalzara, Chairman, Organising Committee chuan a kaihruai a ni.
Kumin Science & Technology Expo ah hian Zopa thluak hmanga duan chhuah, Indigenous technology pho lang turin mi 13 thlan chhuah ten an thil siamte an entir dawn a. Sorkar department 11, mimal sumdawng 3 leh eizawnna lam kawhhmuhtu 1 an tel bawk a ni. Expo hi December ni 4 thleng neih a ni dawn a, hemi chhung hian school leh college naupangte tan intihsiakna chi hrang hrang, Quiz competition, lemziak leh elocution competition te buatsaih a ni a. “Recent Advances in Science & Technology” tih thupui hmangin State level Symposium neih a ni bawk ang a. Science tangkaina tarlang thlalak tha inelna chu a hawn ni atanga neih a ni bawk.
