Khawvel pumpuia an hman World Aids Day chu Mizoramah pawh vawiin khan Mizoram State Aids Control Society bultumin A.R.Lammualah hman ve a ni a. Chief Minister Pu Lal Thanhawla chu khuallian a ni.
Chief Minister chuan Mizorama cheng mi nuai 9 vel zingah hriat chian mi 4,000 dawnin HIV positive an vei a, hei hi mithiamte chhut danah chuan a let sawma chhiar tur an ti a, chuti anih chuan mi 40,000 velin HIV hrik an pai tihna alo ni a, a zahthlak hle a ni a ti. Mizote hi hriselna lama hnufual tak, nun in uluk nachang hre lo leh peih lo kan tam em avang hian heng natna te hi kan vei a, khawvela cancer vei tam ber kan ni bawk hi a vanduaithlak hle a ni a ti a. Ram leh hnamah kan chiang tur a ni kan ti thin a, kan chenna chin, kan nunzia leh nunphung, tawng leh sakhuaah te chauh chiang lovin hriselna lamah pawh ram leh hnamah kan chiang tur a ni a ti.
Kan hriselna tih hmsawnna kawngah Health Department hian programme tha tak tak a nei teuh a, hengte hi mitin banphakah dahin hmang tangkai theuh turin mi zawng zawng Chief Minister hian a sawm a. Hriselna lamah state dangte entawn tlaka kan awm hi kan tum tur a ni a ti.
Inkhawm Chairman Pu Van Hela Pachuau, Chief Secretary chuan kalte lawmna thu a sawiah Aids hi kum 20 kalta atanga Mizoramin kan hmelhrit tan ve a ni a ti a. Aids veite hi endawng lo tur leh thinhrik lova tanpui an ngaihna a tanpuitu nih vek zawk tum turin mipui kalkhawmte chu a chah a ni. Pu Ven Hela chuan Aids hi a hlauhawmzia hi kan la hrechiang tawk lova a hriat thu sawiin, he natna hi hriatchian a, a inven dan kan zawng tur a ni a ti.
He ni denchhena MSACS in thupui 5 thlanchhuah a inziahsiakna a buatsaiha lawmman dawngtu te hnenah Pi Lalriliani’n lawmmante a hlan a. Thupui tinah lawmman hi pathumna thleng siam a ni a, laminated certificate leh pawisa fai Rs.5000, Rs.3000 leh Rs.2000 te a keng tel a ni. Lawmman dawngtute zingah hian thupui 3 ah Romawia Pachuau, Bungkawn chuan lawmman pakhatna dawngin, thupui 2 ah lawmman pahnihna a dawng bawk a ni.
World Aids Day hmang tur hian Millenium Centre atang leh Tennis Court atangte in T – Shirt var, ‘Stop Aids keep the promise’ tih inziak ha ten Lammual thleng kawng an rawn zawh a ni.
Inkhawmah hian Pu Lalrinliana Sailo, Minister for Health etc chu khualzahawm a ni a. MLA leh official engemawzah an tel bawk a ni.
Kan hriselna tih hmsawnna kawngah Health Department hian programme tha tak tak a nei teuh a, hengte hi mitin banphakah dahin hmang tangkai theuh turin mi zawng zawng Chief Minister hian a sawm a. Hriselna lamah state dangte entawn tlaka kan awm hi kan tum tur a ni a ti.
Inkhawm Chairman Pu Van Hela Pachuau, Chief Secretary chuan kalte lawmna thu a sawiah Aids hi kum 20 kalta atanga Mizoramin kan hmelhrit tan ve a ni a ti a. Aids veite hi endawng lo tur leh thinhrik lova tanpui an ngaihna a tanpuitu nih vek zawk tum turin mipui kalkhawmte chu a chah a ni. Pu Ven Hela chuan Aids hi a hlauhawmzia hi kan la hrechiang tawk lova a hriat thu sawiin, he natna hi hriatchian a, a inven dan kan zawng tur a ni a ti.
He ni denchhena MSACS in thupui 5 thlanchhuah a inziahsiakna a buatsaiha lawmman dawngtu te hnenah Pi Lalriliani’n lawmmante a hlan a. Thupui tinah lawmman hi pathumna thleng siam a ni a, laminated certificate leh pawisa fai Rs.5000, Rs.3000 leh Rs.2000 te a keng tel a ni. Lawmman dawngtute zingah hian thupui 3 ah Romawia Pachuau, Bungkawn chuan lawmman pakhatna dawngin, thupui 2 ah lawmman pahnihna a dawng bawk a ni.
World Aids Day hmang tur hian Millenium Centre atang leh Tennis Court atangte in T – Shirt var, ‘Stop Aids keep the promise’ tih inziak ha ten Lammual thleng kawng an rawn zawh a ni.
Inkhawmah hian Pu Lalrinliana Sailo, Minister for Health etc chu khualzahawm a ni a. MLA leh official engemawzah an tel bawk a ni.
Attachment
- Loading attachment...
